اوورسیز پاکستانیوں نے ایک ماہ میں 3 ارب 20 کروڑ ڈالر وطن بھیجے

نومبر میں اوورسیز پاکستانیوں کی ترسیلات زر

اسلام آباد (ڈیلی پاکستان آن لائن) میں نومبر کے مہینے میں اوورسیز پاکستانیوں نے 3 ارب 20 کروڑ ڈالر وطن بھیجے۔ ترسیلات زرمیں ماہانہ بنیاد پر 6.7 فیصد کمی جبکہ سالانہ بنیاد پر 9.4 فیصد اضافہ ریکارڈ کیا گیا۔

یہ بھی پڑھیں: جے یو آئی کے مبینہ لاپتہ سینیٹر عبدالشکور پارلیمنٹ ہاؤس پہنچ گئے،کہاں غائب تھے؟صحافیوں کو بتا دیا

سعودی عرب سے ترسیلات زر

سٹیٹ بینک کے مطابق نومبر میں سعودی عرب سے پاکستانیوں نے 75 کروڑ ڈالر کا زرمبادلہ وطن بھیجا۔ سعودی عرب سے ترسیلات زرمیں ماہانہ بنیاد پر 10 فیصد کمی آئی، جبکہ یو اے ای سے 4 فیصد اور عمان سے 22 فیصد کمی دیکھی گئی۔

یہ بھی پڑھیں: پیپلز پارٹی پی پی 52 کا ضمنی الیکشن تن، من دھن سے لڑے گی: گورنر پنجاب

دیگر ممالک سے ترسیلات زر

متحدہ عرب امارات سے پاکستانیوں نے نومبر میں 67 کروڑ 50 لاکھ ڈالر، برطانیہ سے 48 کروڑ ڈالر اور امریکہ سے 28 کروڑ ڈالر وطن بھیجے گئے۔

یہ بھی پڑھیں: ٹانک اور لکی مروت میں خوارج کیخلاف کامیاب کارروائیوں پر صدر مملکت کا سیکیورٹی فورسز کو خراج تحسین

مالی سال کی کارکردگی

سٹیٹ بینک کی رپورٹ کے مطابق رواں مالی سال کے پانچ ماہ میں ترسیلات زر کا حجم 16 ارب 14 کروڑ ڈالر رہا، جبکہ ترسیلات زرمیں سالانہ بنیاد پر 9.3 فیصد اضافہ ہوا۔

ماہرین کی آراء

ماہرین کے مطابق نومبر میں ترسیلات زر میں کمی کی وجہ خلیجی ممالک سے کم ڈالرز کا آنا ہے، جبکہ سالانہ بنیاد پر ترسیلات زرمیں اضافہ مستحکم ایکسچینج ریٹ کے باعث ہوا۔