نیپرا نے فیول ایڈجسٹمنٹ کی مد میں 88 پیسے فی یونٹ بجلی سستی کردی

بجلی کی ماہانہ فیول ایڈجسٹمنٹ میں کمی

اسلام آباد (ڈیلی پاکستان آن لائن) نیشنل الیکٹرک پاور ریگیولیٹری اتھارٹی نے کراچی سمیت ملک بھر کے صارفین کے لیے بجلی ماہانہ فیول ایڈجسٹمنٹ کی مد میں سستی کردی۔

یہ بھی پڑھیں: بھارت کے خلاف آپریشن تاریخی اعلان ہے کہ ہم کمزور نہیں: مریم نواز

اکتوبر کی فیول ایڈجسٹمنٹ کے نتائج

نیپرا نے اکتوبر کی ماہانہ فیول ایڈجسٹمنٹ کے حوالے سے اپنا فیصلہ جاری کردیا، جس کے مطابق ماہانہ فیول ایڈجسٹمنٹ کی مد میں بجلی 88 پیسے فی یونٹ سستی کردی گئی ہے۔ اس قیمت میں کمی کا اطلاق کے-الیکڑک صارفین پر بھی ہوگا۔ بجلی صارفین کو دسمبر کے بجلی بلوں میں ریلیف ملے گا، البتہ ماہانہ فیول ایڈجسٹمنٹ کا اطلاق لائف لائن، پروٹیکٹڈ صارفین، اور الیکڑک وہیکل چارجنگ اسٹیشنز پر نہیں ہوگا۔

نیپرا کے اضافی نوٹ پر تبصرہ

نیپرا کے فیصلے میں ممبر ٹیکنیکل رفیق شیخ کا اضافی نوٹ بھی شامل ہے، جس میں انہوں نے کہا ہے کہ بجلی کمپنیوں کی نااہلیوں کا ملبہ بجلی صارفین پر نہیں ڈالنا چاہیے۔ ان کا کہنا تھا کہ گڈو747 کو اوپن سائیکل پر چلانے سے ایک ارب 21 کروڑ روپے سے زائد کا اضافی بوجھ پڑا ہے۔