آصفہ بھٹو زرداری کا قائم مقام اسپیکر قومی اسمبلی کے رویے پر مایوسی کا اظہار، کہا آج بھی وہ ایک نہتی لڑکی کے نام سے ڈرتے ہیں

بی بی آصفہ بھٹو زرداری کا بیان

اسلام آباد (ڈیلی پاکستان آن لائن) پاکستان پیپلز پارٹی کی رہنما اور رکن قومی اسمبلی بی بی آصفہ بھٹو زرداری نے قائم مقام اسپیکر کے رویّے پر مایوسی کا اظہار کیا ہے۔

یہ بھی پڑھیں: عرب اسلامی سربراہی اجلاس کی ہنگامی تیاری

قائم مقام اسپیکر کی مایوس کن کارروائیاں

انہوں نے کہا کہ آج بھی وہ ایک نہتی لڑکی کے نام سے ڈرتے ہیں۔ سماجی رابطے کی ویب سائٹ ایکس پر جاری کردہ اہم بیان میں انہوں نے مزید کہا کہ قائم مقام اسپیکر کے رویّے پر انتہائی مایوسی ہوئی ہے۔

یہ بھی پڑھیں: یہ آئی ایم ایف کا آخری پروگرام ہوگا: وفاقی وزیر خزانہ کا اعلان

اجلاس کی بار بار معطلی کی مذمت

بی بی آصفہ بھٹو نے واضح کیا کہ کورم موجود ہونے کے باوجود بار بار اجلاس معطل کرنا پارلیمانی نظام کا مذاق بنانے کے مترادف ہے۔ ان کا کہنا ہے کہ اسپیکر کو سیشن مؤخر کرنے کی ہدایات دی گئیں تاکہ ان کا توجہ دلاؤ نوٹس پیش نہ ہو سکے۔

اجلاس کو مؤخر کرنا نہایت چھوٹی اور گھٹیا سیاسی چال ہے۔
رکن قومی اسمبلی نے توجہ دلاؤ نوٹس شیئر کرتے ہوئے لکھا کہ آج بھی وہ ایک نہتی لڑکی کے نام سے ڈرتے ہیں۔

سماجی رابطوں پر بیان

Extremely disappointed by the behaviour of acting NA speaker. It has become a mockery to constantly suspend session despite having quorum. Many had heard the speaker was given instructions to avoid my calling attention notice. A very petty tactic.

— Aseefa B Zardari (@AseefaBZ) December 10, 2025