مہنگے کپڑے، گاڑیوں اور گھروں کی نمائش کرنے والے ریڈار پر ہیں، چیئرمین ایف بی آر

مجموعی صورت حال

اسلام آباد (ڈیلی پاکستان آن لائن) فیڈرل بورڈ آف ریونیو کے چیئرمین راشد محمود لنگڑیال نے خبردار کرتے ہوئے کہا ہے کہ مہنگے کپڑے، گھر، گاڑیوں اور گھروں کی نمائش کرنے والے ریڈار پر ہیں۔ سوشل میڈیا پر گوشوارہ کم ظاہر کرنے والے 30 افراد کو نوٹس جاری کیے جا چکے ہیں، اور ٹیکس چوروں کے خلاف کارروائیوں کی یومیہ رپورٹ مرتب ہو رہی ہے۔

یہ بھی پڑھیں: چینی باشندوں پر حملہ: تفتیشی حکام نے حملہ آور سے منسلک ویڈیو حاصل کرلی

چینی کی قیمتوں کا فرق

ایکسپریس نیوز کے مطابق میڈیا سے غیر رسمی گفتگو کے دوران چیئرمین ایف بی آر راشد محمود لنگڑیال نے کہا کہ پہلے ٹیکس والی چینی اور بغیر ٹیکس والی چینی کا ریٹ الگ الگ تھا۔ اب بغیر ٹیکس والی چینی کا اسٹاک رکھنے والے کا نام بتائے، ایسے افراد کے خلاف سخت ترین کارروائی ہوگی۔

یہ بھی پڑھیں: میئر کراچی کا سڑکوں، فٹ پاتھوں پر منشیات کے عادی افراد کے خلاف کریک ڈاؤن کا حکم

سیلز ٹیکس میں اضافہ

ان کا کہنا تھا کہ یک سال میں شوگر انڈسٹری سے جمع سیلز ٹیکس میں 40 ارب روپے کا اضافہ ہوا ہے۔

یہ بھی پڑھیں: نادیہ افگن کی فیصل قریشی کی انگریزی پر تنقید، اداکار چپ نہ رہ سکے

ٹیکس چوروں کے خلاف اقدامات

انہوں نے کہا کہ ٹیکس چوروں کے خلاف ایک چیف کمشنر انفوسٹمنٹ مقرر کر دیا گیا ہے۔ ٹیکس چوروں کے خلاف ملک بھر میں کارروائیاں چیف کمشنر کے ماتحت ہوں گی۔

اسمگلنگ کے خلاف کارروائیاں

چیئرمین ایف بی آر نے کہا کہ اسمگلنگ کے سامان کی ترسیل روکنے کے لیے سخت کارروائیاں ہو رہی ہیں۔ اسمگلرز نے کسٹم حکام کو نقصان پہنچایا ہے، جس کے باعث دو ٹیکس اہلکار شہید ہوئے ہیں۔ مشکلات کے باوجود اسمگلنگ کے خلاف کارروائیوں کا سلسلہ اب تھمنے والا نہیں ہے۔