افغانستان سے دہشتگردی قومی سلامتی کے لیے سنگین خطرہ ہے، پاکستان

پاکستان کا موقف اقوام متحدہ میں

نیویارک (ڈیلی پاکستان آن لائن) اقوام متحدہ میں پاکستان کے مستقل مندوب عاصم افتخار احمد نے کہا کہ افغانستان سے دہشتگردی قومی سلامتی کیلئے سنگین خطرہ ہے۔

یہ بھی پڑھیں: بجاش نیازی اور لاہور پولیس میں تنازعہ شدت اختیار کر گیا

افغان سرزمین سے دہشت گردی کا خطرہ

اقوام متحدہ میں پاکستان کے مستقل مندوب عاصم افتخار نے خطاب میں کہا کہ افغان سرزمین سے ہونے والی دہشت گردی ہماری قومی سلامتی کیلئے سنگین خطرہ ہے۔ داعش خراسان، القاعدہ، ٹی ٹی پی، بی ایل اے اور مجید بریگیڈ سمیت متعدد تنظیمیں محفوظ پناہ گاہوں سے فائدہ اٹھا رہی ہیں۔

یہ بھی پڑھیں: بابا گرونانک دیوجی کی سالگرہ تقریبات، 2100 بھارتی سکھ یاتریوں کو پاکستانی ویزے جاری

طالبان کے اندر موجود عناصر

عاصم افتخار کا کہنا تھا کہ طالبان میں موجود بعض عناصر دہشت گردوں کی پشت پناہی کر رہے ہیں۔ رواں سال دہشت گرد حملوں میں 1200 افراد شہید ہوئے۔ طالبان کو دہشتگردوں کے خلاف ٹھوس اور قابل تصدیق کارروائی کرنا ہوگی ورنہ اپنی خودمختاری کے تحفظ کے لیے تمام ضروری دفاعی اقدامات اُٹھائیں گے۔

افغان مہاجرین کی وطن واپسی

پاکستان میں مقیم افغان مہاجرین سے متعلق عاصم افتخار نے کہا کہ افغانستان میں جنگ ختم ہوچکی ہے۔ افغان باشندے واپس اپنے وطن جائیں۔