بھارت کے سابق وزیر داخلہ اور کانگریس کے بااثر سینئر رہنما شیو راج پٹیل چل بسے

سابق وزیر داخلہ شیو راج پٹیل کی وفات

ممبئی (مانیٹرنگ ڈیسک): بھارت کے سابق وزیر داخلہ اور کانگریس کے بااثر سینئر رہنما شیو راج پٹیل 90 سال کی عمر میں چل بسے۔

یہ بھی پڑھیں: وزیر اعلیٰ مریم نواز نے شر پسند عناصر کی سرکوبی اور عوام کے جان و مال کے تحفظ کیلئے مؤثر اقدامات کا حکم دیدیا

انتقال کی تفصیلات

یو این آئی کی رپورٹ کے مطابق ان کا انتقال لاتور میں صبح ساڑھے چھ بجے اپنی رہائش پر ہوا۔ وہ کافی عرصے سے علیل تھے۔ شیو راج پٹیل 1935 میں پیدا ہوئے اور بھارت کے مرکزی وزیر داخلہ اور وزیر دفاع سمیت کئی اہم عہدوں پر فائز رہے۔

یہ بھی پڑھیں: راوی میں سیلابی صورتحال، پارک ویو سٹی میں پانی داخل ہونے کا خدشہ، پولیس کے حفاظتی اقدامات کرنے کے اعلانات

سیاسی زندگی اور خدمات

وہ بھارتی پارلیمنٹ کے ایوان زیریں، لوک سبھا کے سپیکر بھی رہے اور مہاراشٹر کے لاتور حلقہ سے سات بار پارلیمنٹ کے رکن منتخب ہوئے۔ علاوہ ازیں، وہ بھارتی پنجاب کے گورنر اور مرکز کے زیر انتظام علاقے چندی گڑھ کے ایڈمنسٹریٹر بھی رہے۔

ممبئی حملے اور استعفا

2008 میں ممبئی حملوں کے وقت وہ ملک کے وزیر داخلہ تھے۔ ان حملوں کو روکنے میں ناکامی پر کڑی تنقید کے بعد انہوں نے 30 نومبر 2008 کو اپنے عہدے سے استعفا دے دیا تھا۔