ایکس پر عمران خان کے بارے میں لکھنے پر پوسٹ کی رسائی محدود کردی جاتی ہے، جمائمہ خان

عمران خان کی سابق اہلیہ کا بیان

لندن (ڈیلی پاکستان آن لائن) تحریک انصاف کے بانی چیئرمین عمران خان کی سابق اہلیہ جمائمہ خان نے کہا ہے کہ ایکس پر جب بھی وہ عمران خان کے حوالے سے کچھ پوسٹ کرتی ہیں تو اس کی رسائی محدود کردی جاتی ہے۔

یہ بھی پڑھیں: ثنا یوسف قتل کیس،ملزم عدالت پیش ، تفتیشی افسر کی استدعا پر فیصلہ سنا دیا گیا

ایلون مسک سے اپیل

جمائمہ خان نے ایلون مسک سے براہِ راست اپیل کرتے ہوئے کہا ہے کہ ان کے دو بیٹوں کو اپنے والد سابق وزیرِاعظم عمران خان سے ملنے یا بات کرنے کی اجازت نہیں دی جا رہی، جنہیں اقوامِ متحدہ کے مطابق 22 ماہ سے غیر قانونی اور تنہائی کی قید میں رکھا گیا ہے۔

یہ بھی پڑھیں: سکھر، خانیوال، کوہاٹ، شاہین آباد اور کوٹری میں محکمہ ریلوے نے فیکٹریاں قائم کی ہوئی ہیں، بدقسمتی سے ان میں سے ایک فنڈز نہ ہونے کی وجہ سے بند ہو گئی۔

سوشل میڈیا پر مشکلات

انہوں نے ایک پوسٹ میں کہا کہ سوشل میڈیا پلیٹ فارم ایکس ہی واحد جگہ رہ گیا ہے جہاں وہ دنیا کو بتا سکتی ہیں کہ عمران خان ایک سیاسی قیدی ہیں جنہیں بنیادی انسانی حقوق سے محروم کیا گیا ہے۔ مگر ہر بار جب وہ عمران خان کے بارے میں کوئی بات شیئر کرتی ہیں تو پاکستان کے اندر، اور اکثر عالمی سطح پر بھی، ان کی پوسٹس کی رسائی تقریباً صفر تک محدود کر دی جاتی ہے۔

یہ بھی پڑھیں: جب بھی پاکستان افغانستان میں دہشت گردوں کے ٹھکانوں کو نشانہ بناتا ہے تو دہشت گرد ردعمل دیتے ہیں، طلال چوہدری

آزادیِ اظہار کا مطالبہ

جمائما خان نے ایلون مسک کو یاد دلایا کہ انہوں نے “آزادیِ اظہار” کا وعدہ کیا تھا، نہ کہ “ایسی آزادی جسے کوئی سن نہ سکے۔”

معلومات کی رسائی میں بہتری کی ضرورت

انہوں نے مطالبہ کیا کہ ان کے اکاؤنٹ پر لگائی گئی visibility filtering کو فوری طور پر ختم کیا جائے تاکہ وہ اپنی آواز دنیا تک پہنچا سکیں۔