سوتیلے باپ نے معصوم بیٹے کو سڑک پر پٹخ کر جان لے لی

سوتیلے باپ کی ظلمت

نئی دہلی (ویب ڈیسک) بھارت کے حیدرآباد کی غازی ملت کالونی میں ایک سوتیلے باپ نے معمولی بات پر اپنے معصوم بچے کو سڑک پر پٹخ کر اس کی جان لے لی۔

یہ بھی پڑھیں: جدہ میں قونصلیٹ کی نئی شاندار عمارت تیار ہوچکی ہے، قونصل جنرل مصطفیٰ ربانی

واقعہ کی تفصیلات

بھارتی میڈیا کے مطابق 11 سالہ محمد اصغر کے خلاف مقامی لڑکے نے گالی دینے کی شکایت کی تو اس پر اصغر کے سوتیلے باپ نے شدید برہمی کا اظہار کیا۔ اس نے بچے کو شدید زدو کوب کرکے اسے اٹھا کر زمین پر پٹخ دیا جس کے باعث وہ شدید زخمی ہوگیا۔ معصوم بچے کو موقع پر موجود افراد نے اسپتال منتقل کیا جہاں وہ زخموں کی تاب نہ لاتے ہوئے چل بسا۔

خاتون کا بیان

بچے کی ماں نفیس نے بتایا کہ عمران سے اس کی دوسری شادی تھی اور وہ اس کے بیٹے کے ساتھ دشمنی رکھتا تھا۔ وہ دوسروں کے ساتھ کھیلنے سے منع کیا کرتا تھا۔ خاتون کی شکایت پر پولیس نے قتل کا مقدمہ درج کر کے تحقیقات شروع کردی ہیں۔