بدقسمتی سے ترغر میں پی ٹی آئی دور میں کوئی ترقیاتی کام نہیں ہوا: کیپٹن(ر)صفدر

بدقسمتی سے ترغر میں ترقی کا فقدان

لاہور(ڈیلی پاکستان آن لائن) رہنما مسلم لیگ ن کیپٹن (ر) محمد صفدر نے کہا ہے کہ بدقسمتی سے ترغر میں پی ٹی آئی دور میں کوئی ترقیاتی کام نہیں ہوا۔

یہ بھی پڑھیں: ایمن آباد: وہ شہر جہاں گرو نانک نے گھاس کھا کر کنکریوں پر عبادت کی، قید کاٹی اور چکی بھی پیسی

وزیر اعظم کا دورہ اور ترقیاتی معاہدات

نجی ٹی وی چینل دنیا نیوز کے مطابق صوبائی دارالحکومت کے لبرٹی چوک میں تقریب سے خطاب کرتے ہوئے کیپٹن (ر) محمد صفدر کا کہنا تھا کہ پاکستان بھر کا انتہائی پسماندہ ضلع ترغر ہے، مشکل حالات میں وزیر اعظم پاکستان شہباز شریف وہاں گئے جو کہ فاٹا کنٹرولڈ تھا اسے سیٹل علاقے میں لے کر آئے۔

اُنہوں نے کہا کہ وفاق کے ساتھ معاہدہ کیا کہ آپ کو مراعت دی جائیں گی، ہم آپ لوگوں کے پاس آئے مگر ہمیں، دس ارب روپے کا پیکیج دیا گیا، دس ارب روپے کا صرف پل بنا، وزیراعظم سے درخواست کی کہ اِسے سی پیک کے ساتھ ملائیں۔

یہ بھی پڑھیں: پبلک اکاؤنٹس کمیٹی کا اجلاس، چینی کے بحران پر بریفنگ، سخت سوالات کی بوچھاڑ، کہاں ہیں شوگر ملز مالکان کی تفصیلات۔۔۔؟

تعلیمی ترقی اور حکومتی ناکامیاں

رہنما مسلم لیگ ن کا کہنا تھا کہ چھ ارب کی لاگت سے دانش سکول دیا، دو لڑکیوں کے سکول دیے، ایک وقت تھا کہ ترقی شروع ہو چکی تھی مگر بدقسمتی سے تحریک انصاف کی حکومت کی وجہ سے وہاں کام نہیں ہوسکے، ترغر کی خدمت جنت کا راستہ ہے، وہاں ہم نواز شریف کو لے کر گئے۔

یہ بھی پڑھیں: تاریخ میں قائداعظم تو ایک ہی پیدا ہوئے، بانی کا کوئی ثانی نہیں ہوتا: سہیل وڑائچ

شہباز شریف کو مسائل کی آگاہی

کیپٹن (ر) محمد صفدر نے کہا کہ میں نے مسجدوں میں سو کر ترغر کے مسائل تلاش کیے اور شہباز شریف کو بتائے مگر ترغر میری سوچ کے ساتھ نہیں چلا، نواز شریف تو آج سب کچھ کیا، مگر ترغر کے لوگوں نے کیا کیا، ایک سو کلومیٹر جھیل ترغر کے اندر ہے۔

یہ بھی پڑھیں: ایک دو دن بعد انڈین اور دوسرے ملکوں کے مندوبین سستے ہوٹل میں شفٹ ہوگئے، کافی پیسے بچائے، بھارتی مندوبین نے تو زیورات تک بنوا لیے۔

کرپشن اور عوامی ناکامی

اُن کا کہنا تھا کہ ایک مرتبہ کرپشن کرنے پر وہاں کے کرپٹ لوگوں کو پکڑا مگر آپ لوگوں نے پھر اسی کرپٹ بندے کو ووٹ دیا، ایشیائی ڈویلپمنٹ بینک سے آنے والی امداد بھی کالا ڈھاکہ کو دی گئی، ایشیائی بینک سے سب سے پسماندہ ضلع بھی ترغر کو نامزد کروایا۔

یہ بھی پڑھیں: طلباء سوال کرنا، دلیل دینا اور آواز بلند کرنا ترک نہ کریں: وزیر خزانہ پنجاب کی ’’نصیحت‘‘

نواز شریف کی خدمات اور عوام کی غلطیاں

رہنما مسلم لیگ ن نے کہا کہ میں کب تک آپ کے لیے ٹکریں پہاڑوں کے ساتھ ماروں، اس علاقے کو عبدالستار عیدی کی ضرورت ہے، آپ میں کوئی اتنا مرد نہیں جو ترغر والوں کے لیے ایم پی اے کا الیکشن لڑے، نواز شریف کی بیٹی نے لاہور کو چارچاند لگا دیے ہیں، پنجاب میں بدمعاشی، قبضہ مافیا کا خاتمہ ہوچکا ہے۔

یہ بھی پڑھیں: اسلام آباد میں کام کرنے والے شخص کی ٹکڑوں میں بٹی لاش کامونکی سے برآمد: پولیس ایک ماہ میں ملزمان تک کیسے پہنچی؟

تاریخی ووٹ اور معاشرتی چالیں

کیپٹن (ر) محمد صفدر کا کہنا تھا کہ لوگوں نے کتاب کو ووٹ اس لیے دیا کہ ثواب ہو گا، کوئی ووٹ جنت میں نہیں لے کر جا سکتا صرف ماں باپ کی دعائیں لے کر جائیں گی۔

یہ بھی پڑھیں: اسپیکر قومی اسمبلی کا وزیراعظم شہباز شریف کے اقوام متحدہ سے خطاب پر اظہارِ خیال

علاقائی ترقی کے مسائل

اُنہوں نے کہا کہ حلقے میں الیکشن مہم کے دوران بڑا سٹیج لگا، مختلف مذہبی رہنماؤں کو سٹیج پر بٹھایا گیا، پنجاب کی بیٹی خیبر پختونخوا کی بہو ہے، اللہ نے آپ کو اتنی بڑی عزت دی، اِس کے باوجود حجروں میں راتوں کو پیسا دے کر ووٹ خریدے گئے۔

یہ بھی پڑھیں: اداکارہ ایما اسٹون نے اپنا پرتعیش گھر فروخت کے لئے پیش کردیا، قیمت جان کر ہی ہوش اڑ جائیں

صحت عامہ کی عدم موجودگی

رہنما ن لیگ کا کہنا تھا کہ تورغر میں سکول، ہسپتال نہیں ہے، ان لوگوں کا گریبان پکڑیں جو آپ کا ووٹ لیکر کرپشن کرتے ہیں، نواز شریف حکومت نے کراچی میں امن قائم کرکے دکھایا، خیبرپختونخوا سے آنے والے مریضوں کی پنجاب میں خدمت ہو رہی ہے۔

یہ بھی پڑھیں: راولپنڈی میں چالیس سالہ شخص کو قتل کرکے لاش کنویں میں پھینک دی گئی

مسلم لیگ ن کا عزم

کیپٹن (ر) محمد صفدر نے کہا کہ ہسپتال بنانے کے بجائے ایک ہی نعرہ لگایا چلو، چلو اسلام آباد پر حملہ کرو، آنے والا دور مسلم لیگ (ن) کا ہے، مرکز اور صوبوں میں بھی حکومت بنائیں گے، تورغر والوں آئندہ غلطی نہ کرنا۔

پی ٹی آئی اور سیاسی شناخت

اُن کا کہنا تھا کہ پٹھان غیرت مند ہوتا ہے، بانی پی ٹی آئی خان نہیں ہے، نام کا خان ہے، خان تو ولی خان اور باچا خان تھا، ایک بندے نے نعرہ لگا دیا کہ وہ خان ہے تو وہ خان نہیں ہے، جب کسی بندے کے نام کے ساتھ خان لگا ہو تو چیک کر لیا کریں اصل خان ہے یا چائنہ والا خان ہے。