سوشل میڈیا اکاؤنٹس اور اے ٹی ایم کارڈز کی سپرداری، عدالت کی یوٹیوبر ڈکی بھائی کوبیان حلفی جمع کرانےکی ہدایت

سماعت کا آغاز

لاہور(ڈیلی پاکستان آن لائن) مقامی عدالت میں یوٹیوبر سعد الرحمان عرف ڈکی بھائی کے سوشل میڈیا اکاؤنٹس اور اے ٹی ایم کارڈز کی سپرداری کی درخواست پر سماعت ہوئی۔ اس دوران عدالت نے ڈکی بھائی کو بیان حلفی جمع کرانے کی ہدایت کردی۔

یہ بھی پڑھیں: انٹرمیڈیٹ کے سالانہ امتحانات 2026 کے لئے داخلہ جمع کرانے کی تاریخ میں ایک دن کی توسیع

عدالت کی کارروائی

جوڈیشل مجسٹریٹ نعیم وٹو نے یوٹیوبر ڈکی بھائی کی درخواست پر سماعت کی۔ ملزم سعد الرحمان عرف ڈکی بھائی نے اپنی چیزیں واپس لینے کے لئے استدعا کی۔ دوران سماعت این سی سی آئی اے نے سپرداری سے متعلق رپورٹ جمع کرائی۔

یہ بھی پڑھیں: پاسپورٹ بنوانے کے خواہشمند شہریوں کے لیے بڑی خوشخبری

وکیل کی وضاحت

وکیل این سی سی آئی اے نے بتایا کہ سپرداری سے متعلق تمام سامان این سی سی آئی اے کی تحویل میں ہے۔ عدالت نے ڈکی بھائی کے وکیل سے استفسار کرتے ہوئے پوچھا کہ اگر ڈکی بھائی کا اکاؤنٹ استعمال میں نہیں تو ویڈیو اپلوڈ کیسے ہوئی؟ بیان حلفی میں واضح کریں کہ اکاؤنٹ کی کس حد تک رسائی آپ کے پاس ہے۔ یہ بھی واضح کریں کہ اکاؤنٹ سے اپلوڈ ہونے والی ویڈیو سے کوئی کمائی نہیں ہو رہی۔

سماعت کی تاریخ

عدالت نے سماعت بیس دسمبر تک ملتوی کردی۔ این سی سی آئی اے نے یوٹیوبر ڈکی بھائی سمیت دیگر کے خلاف چالان جمع کر رکھا ہے۔