بہار کے وزیر اعلیٰ نے مسلمان خاتون کا نقاب کھینچ دیا

بھارتی مسلمان خواتین کے لیے حجاب پہننا مشکل

نئی دہلی (ڈیلی پاکستان آن لائن) مودی دورِ حکومت میں بھارت میں مسلمان خواتین کے لیے حجاب پہننا دن بہ دن مشکل بنایا جا رہا ہے۔ مسلم دشمنی اور عدم برداشت کا تازہ واقعہ بھارتی ریاست بہار کے دارالحکومت پٹنہ میں پیش آیا، جہاں بی جے پی کے اتحادی اور بہار کے وزیرِ اعلیٰ نتیش کمار نے ایک سرکاری تقریب کے دوران مسلمان خاتون ڈاکٹر کے ساتھ نامناسب رویہ اختیار کیا اور ان کا نقاب کھینچ دیا۔

یہ بھی پڑھیں: ڈی سیٹ کریں یا جرمانے لگائیں، ہم احتجاج کریں گے: ملک احمد بھچر

آیوش وزارت کی تقریب

بھارتی میڈیا رپورٹس کے مطابق، روایتی اور دیسی طریقہ علاج کی وزارت ’آیوش‘ کے تحت آیوش ڈاکٹروں میں تقرر نامے تقسیم کرنے کی تقریب منعقد کی گئی تھی، جس میں وزیرِ اعلیٰ نتیش کمار خود ڈاکٹروں کو اپائنٹمنٹ لیٹر دے رہے تھے۔

یہ بھی پڑھیں: بھارت کے کتنے جہاز مار گرائے گئے اور کتنے اہداف کو انگیج کیا گیا۔۔۔؟ ایئر مارشل (ر) ارشد ملک نے تہلکہ خیز انکشاف کر دیا

واقعہ کی تفصیلات

تقریب کے دوران جب مسلمان خاتون ڈاکٹر نصرت پروین کی باری آئی، جو مکمل برقعے اور نقاب میں ملبوس تھیں، تو تقرر نامہ دیتے ہوئے نتیش کمار نے ناگواری کا اظہار کیا اور پوچھا کہ یہ کیا ہے، پھر ان کا نقاب زبردستی کھینچ دیا۔ اس موقع پر ان کے ساتھ موجود نائب وزیرِ اعلیٰ سمراٹ چوہدری نے انہیں روکنے کی کوشش بھی کی۔

یہ بھی پڑھیں: سعودی عرب اور پاکستان کے درمیان تاریخی دفاعی معاہدہ، کسی ایک ملک پر جارحیت دونوں ملکوں پر جارحیت تصور ہو گی

سوشل میڈیا پر رد عمل

واقعے کی ویڈیو سوشل میڈیا پر تیزی سے وائرل ہو گئی ہے، جس کے بعد اپوزیشن جماعتوں اور عوامی حلقوں میں شدید غم و غصہ پایا جا رہا ہے۔ اپوزیشن جماعت راشٹریہ جنتا دل نے واقعے پر سخت ردِعمل دیتے ہوئے کہا کہ کیا نتیش کمار اپنی ذہنی صلاحیت کھو بیٹھے ہیں؟

کانگریس کا مؤقف

کانگریس نے بھی اس واقعے کی شدید مذمت کرتے ہوئے کہا کہ جب ریاست کا وزیرِ اعلیٰ خود ایسی حرکت کرے تو اندازہ لگایا جا سکتا ہے کہ وہاں خواتین کس حد تک غیر محفوظ ہوں گی۔ کانگریس نے نتیش کمار سے اس شرمناک عمل پر فوری استعفیٰ دینے کا مطالبہ بھی کیا۔

India's Constitution (Article 191 (1)(b) disqualifies a person from being elected as CM if declared "of unsound mind" by a competent court, Indian Justice should come forward and disqualify Bihar CM Nitesh Kumar۔ pic.twitter.com/rkg8wPEvEL

— Indian (@SiilentOutlaw) December 15, 2025