گھوٹکی، ڈاکوؤں کا مسافر بس پر حملہ، 18 مسافر اغوا کرلیے

گھوٹکی میں بڑے اغوا کی واردات

گھوٹکی (ڈیلی پاکستان آن لائن) ڈاکوؤں نے بڑی کارروائی کرتے ہوئے 18 افراد کو اغوا کرلیا۔ نجی ٹی وی جیو نیوز کے مطابق ڈاکوؤں کی جانب سے ایک مسافر بس پر حملہ کیا گیا۔ یہ واقعہ مرید شاخ کے قریب گڈوکشمور روڈ پر پیش آیا جہاں ڈاکوؤں نے مسافر بس پر حملہ کرکے 18 مسافروں کو اغوا کرلیا۔

یہ بھی پڑھیں: پاکستان نے یو اے ای کو 31 رنز سے شکست دے دی

عینی شاہدین کی گواہی

عینی شاہدین کے مطابق بس میں 25 افراد سوار تھے، جس میں خواتین بھی موجود تھیں۔ ڈاکو خواتین کو چھوڑ کر 18 مردوں کو اپنے ساتھ لے گئے۔ پولیس کے مطابق ڈاکوؤں نے فائرنگ بھی کی جس سے بس کے شیشے ٹوٹ گئے۔

پولیس اور رینجرز کی کارروائی

پولیس اور رینجرز کو ڈاکوؤں کے تعاقب میں روانہ کر دیا گیا ہے۔ مسافر بس کوئٹہ جا رہی تھی۔