زرمبادلہ کے ملکی ذخائر میں سالانہ بنیادوں پر 3.203ارب ڈالر اضافہ ریکارڈ کیاگیا،اسٹیٹ بینک

زرمبادلہ کے ملکی ذخائر میں اضافہ

کراچی (ڈیلی پاکستان آن لائن) زرمبادلہ کے ملکی ذخائر میں جاری کیلنڈر سال کے دوران مجموعی طور پر 3.203 ارب ڈالر کا نمایاں اضافہ ریکارڈ کیا گیا ہے۔

یہ بھی پڑھیں: کیا بھارتی کرکٹ میں مشہور کھلاڑیوں کا دور ختم ہو رہا ہے یا ان کا ‘آخری خواب’ حقیقت بنے گا؟

اسٹیٹ بینک کے اعدادوشمار

اسٹیٹ بینک کی جانب سے جاری کردہ اعدادوشمار کے مطابق گزشتہ سال کے اختتام پر زرمبادلہ کے ملکی ذخائر کا حجم 16.409 ارب ڈالر ریکارڈ کیا گیا تھا۔ اس میں اسٹیٹ بینک کے پاس زرمبادلہ کے ذخائر کا حجم 11.71 ارب ڈالر اور کمرشل بینکوں کے پاس زرمبادلہ کے ذخائر کا حجم 4.698 ارب ڈالر تھا۔

یہ بھی پڑھیں: پنجاب پولیس کی خاتون افسر نے عالمی سطح پر پاکستان کا نام روشن کر دیا

جاری سال کے ذخائر

زرمبادلہ کے ملکی ذخائر کا حجم 19.612 ارب ڈالر ریکارڈ کیا گیا، جس میں سے اسٹیٹ بینک کے پاس زرمبادلہ کے ذخائر کا حجم 14.58 ارب ڈالر اور کمرشل بینکوں کے پاس زرمبادلہ کے ذخائر کا حجم 5.026 ارب ڈالر ریکارڈ کیا گیا۔ جاری کلینڈر سال کے دوران سٹیٹ بینک کے زرمبادلہ کے ذخائر میں مجموعی طور پر 2.876 ارب ڈالر اور کمرشل بینکوں کے زرمبادلہ کے ذخائر میں 328 ملین ڈالر کا اضافہ ہوا ہے۔

آئی ایم ایف سے موصولہ قسط

واضح رہے کہ بین الاقوامی مالیاتی فنڈ نے پاکستان کے لئے 1.2 ارب ڈالر کی قسط پہلے سے جاری کی ہے جو اسٹیٹ بینک کو موصول ہوئی ہے۔ جاری ہفتے کے اختتام پر زرمبادلہ کے حوالے سے جاری اعدادوشمار میں یہ شامل ہوگی جس کے بعد زرمبادلہ کے ذخائر میں مزید 1.2 ارب ڈالر کا اضافہ ہوجائے گا۔ زرمبادلہ کے موجودہ ذخائر 2.77 ماہ کی درآمدات کے لئے کافی ہیں۔