گھوٹکی: گزشتہ شب بس سے اغوا کیے گئے تمام مسافروں کو بازیاب کروالیا گیا

بازیابی کا عمل

گھوٹکی (ڈیلی پاکستان آن لائن) گڈوکشمور روڈ پر گزشتہ شب بس سے اغوا کیے گئے تمام مسافروں کو بازیاب کرالیا گیا۔

یہ بھی پڑھیں: انٹرنیشنل کورٹ آف جسٹس نے آئینی ترمیم کا مذاق اڑایا، محمود خان اچکزئی

مسافروں کی تعداد کی تصدیق

ڈی ایس پی اوباڑو عبدالقادر کے مطابق بس کنڈکٹر مغوی مسافروں کی صحیح تعداد نہیں بتا سکا تھا۔ ڈاکوؤں نے 14 مسافروں کو اغوا کیا تھا جب کہ کنڈکٹر نے 18 افراد کے اغوا کا کہا تھا۔

یہ بھی پڑھیں: پاسداران انقلاب نے قطر میں امریکی اڈے پر حملے کی تصدیق کر دی

مغویوں کی حالت

ڈی ایس پی کے مطابق 13 مغوی بازیاب ہوئے ہیں اور ایک کی لاش مل گئی ہے جس کی موت دل کا دورہ پڑنے سے ہوئی ہے۔ جاں بحق مغوی کریم بخش ضلع جعفرآباد کا رہائشی ہے۔

یہ بھی پڑھیں: منیب فاروق نے اے ٹی سی سرگودھا کا فیصلہ ریاستی برہمی کا نتیجہ قرار دے دیا۔

پولیس کی مداخلت

پولیس کے مطابق آپریشن کے دوران ڈاکوؤں سے مقابلے میں ایک پولیس اہلکار زخمی ہوا۔ ڈاکوؤں نے پولیس بکتر بند پر راکٹ بھی فائر کیے۔

حملے کی تفصیلات

واضح رہے کہ گزشتہ شب ڈاکوؤں نے کوئٹہ جانے والی ایک بس پر حملہ کیا تھا۔ ڈاکوؤں نے کئی دیر تک فائرنگ کی جس کے بعد خواتین کو چھوڑ کر مرد مسافروں کو اغوا کرکے لے گئے تھے۔