ایک بار پھر سازش کے تحت ایم کیو ایم کو دیوار سے لگایا جارہا ہے، فاروق ستار

ایم کیو ایم پاکستان کے رہنما فاروق ستار کی گفتگو

کراچی (ڈیلی پاکستان آن لائن) ایم کیو ایم پاکستان کے رہنما فاروق ستار نے کہا ہے کہ ایک بار پھر سازش کے تحت ایم کیو ایم کو دیوار سے لگایا جارہا ہے۔ ہمارے کارکن کو پُر رونق علاقے میں فائرنگ کر کے قتل کیا گیا۔

یہ بھی پڑھیں: Brave and Devoted Political Activists

متبادل کے طور پر رسک کی باتیں

انہوں نے کہا کہ سرجانی اور ملیر کے کامیاب جلسوں کی وجہ سے مخالفین ڈر رہے ہیں، ایم کیو ایم مستحکم ہورہی ہے، ایم این اے کے فنڈز سے ترقیاتی کام ہورہے ہیں۔ فاروق ستار نے مطالبہ کیا کہ آئی جی سندھ اور وزیراعلیٰ مراد علی شاہ حاجی شہزاد کے قاتلوں کو گرفتار کریں۔

یہ بھی پڑھیں: ماہرین نے جگر کی پیوندکاری کے بعد خطرات کو جانچنے کے لیے بلڈ ٹیسٹ تیار کرلیا

نماز جنازہ کا انعقاد

قبل ازیں نیو کراچی سیکٹر 5 ای میں ایم کیو ایم کارکن حاجی شہزاد کی نماز جنازہ ادا کی گئی جس میں ایم کیو ایم رہنماؤں اور کارکنوں نے بڑی تعداد میں شرکت کی۔

افسوسناک واقعہ

واضح رہے کہ گزشتہ روز نیوکراچی میں چائے کے ہوٹل پر فائرنگ سے واٹر بورڈ کا ملازم جاں بحق ہوگیا تھا۔ پولیس کے مطابق بظاہر ٹارگٹڈ کلنگ کی گئی جبکہ ایم کیو ایم کا کہنا تھا کہ جاں بحق شہزاد نیو کراچی یوسی 8 کے جوائنٹ انچارج تھے۔