2 Brothers Killed by Tanker After Dropping Uncle at Karachi Airport

کراچی میں خوفناک حادثہ

ماڈل کالونی روڈ پر واٹر ٹینکر نے موٹرسائیکل کو ٹکر ماردی جس کے نتیجے میں 3 بھائیوں سمیت 4 افراد زخمی ہوگئے۔

یہ بھی پڑھیں: گوجرانوالہ: یونان کشتی حادثے میں ملوث انسانی سمگلر سمیت 2 ملزمان گرفتار

زخمیوں کی حالت اور مزید تفصیلات

پولیس کے مطابق 2 بھائی ہسپتال پہنچنے سے قبل دم توڑ گئے جبکہ تیسرا زخمی حالت میں زیر علاج ہے۔ حادثے کے بعد واٹر ٹینکر کا ڈرائیور فرار ہوگیا تھا جسے گرفتار کرکے ماڈل کالونی تھانے منتقل کردیا گیا ہے جبکہ واٹر ٹینکر بھی ماڈل کالونی پولیس کی تحویل میں ہے۔

یہ بھی پڑھیں: آئی ٹی ایف پاکستان جے 30 ورلڈ ٹینس چیمپئن شپ کا آغاز کل سے ہو گا

زخمیوں کی شناخت

پولیس کے مطابق چاروں افراد ایک ہی موٹر سائیکل پر سفر کررہے تھے۔ حادثے میں جاں بحق ہونے والوں میں 9سالہ طلحٰہ اور 11سالہ شاہ محمد شامل ہیں جبکہ تیسرا بھائی 10سالہ ارحم اور 25سالہ بابر نامی نوجوان زخمی ہے۔

یہ بھی پڑھیں: شہید بی بی کا وژن مشعل راہ، رہنمائی لیکر جمہوریت مضبوط کریں گے: صدر زرداری

واقعہ کا پس منظر

مرنے والوں کے محلے داروں نے جناح ہسپتال میں میڈیا سے گفتگو کرتے ہوئے بتایا کہ بچے اپنے ماموں کو ایئرپورٹ پر چھوڑنے گئے تھے اور واپسی پر یہ حادثہ پیش آگیا۔ واقعہ کے خلاف علاقہ مکینوں نے ماڈل کالونی روڈ پر احتجاج بھی کیا۔

آئندہ کا لائحہ عمل

پولیس کے مطابق اہلخانہ بچوں کی میتیں لے کر آبائی علاقے مانسہرہ روانہ ہوگئے ہیں جہاں سے واپسی پر واقعہ کا مقدمہ درج کرائیں گے۔