ہجرت کے حق کی پاسداری عالمی برادری کی مشترکہ ذمہ داری ہے: وزیر اعلیٰ مریم نواز

ہجرت کے عالمی دن پر وزیراعلیٰ پنجاب کا پیغام

لاہور (ڈیلی پاکستان آن لائن) وزیراعلیٰ پنجاب مریم نواز نے ہجرت کے عالمی دن پر اپنے پیغام میں کہا ہے کہ ہجرت سنت نبویؐ ہے، ہجرت میں برکت ہے۔ قیام پاکستان کے بعد دنیا کی سب سے بڑی ہجرت کی گئی۔ دنیا بھر میں سماجی، معاشی اور ثقافتی تبدیلیوں کی وجہ سے کی ہجرت سب سے بڑی حقیقت ہے۔ ہجرت معاشروں کو نئی توانائی، تنوع اور مواقع فراہم کرتی ہے۔

یہ بھی پڑھیں: چاچا نے دراصل گالیاں کیوں نکالیں؟ منظرعام پر آگئے، خود ہی اصل وجہ بتا دی

پاکستان کی تعمیر میں اوورسیز پاکستانیوں کا کردار

انہوں نے کہا کہ پاکستان کی تعمیر و ترقی میں اوورسیز پاکستانیوں کا کردار ناقابل فراموش ہے۔ ہجرت کرکے بیرون ملک مقیم پاکستانی ہر سال اربوں ڈالر ترسیلاتِ زر بھیج کر ملکی معیشت کو مضبوط کرتے ہیں۔ مائیگریشن محض ہجرت نہیں بلکہ ہنر، قابلیت، جدت اور تجربے کا عالمی تبادلہ بھی ہے۔ ہجرت نے دنیا بھر میں مزدوروں، پروفیشنلز اور طلباء کے لیے نئی راہیں کھولی ہیں۔ ہجرت کا عمل مختلف معاشروں کو ایک دوسرے کے قریب لاتا ہے۔

مہاجرین کے حقوق اور قانونی تحفظ

وزیراعلیٰ مریم نواز نے کہا کہ انسانی حقوق، تحفظ اور باعزت سلوک ہر مہاجر کا بنیادی حق ہے۔ ہجرت کے حق کی پاسداری عالمی برادری کی مشترکہ ذمہ داری ہے۔ اوورسیز پاکستانی ملک کی معاشی اور سماجی سفیر ہیں۔ غیر قانونی مائیگریشن نہ صرف جانوں کو خطرے میں ڈالتی ہے بلکہ یہ عالمی قوانین کی خلاف ورزی بھی ہے۔ غیر قانونی مائیگریشن کے سدباب کے لیے عوامی شعور اور قانونی راستوں کا فروغ انتہائی ضروری ہے۔ حکومتِ پنجاب اوورسیز پاکستانیوں کے مسائل کے فوری حل، شفافیت اور سروس ڈیلیوری کو بہتر بنانے کے لیے کوشاں ہے۔