اسلام آباد ڈسٹرکٹ بار ایسوسی ایشن کا جسٹس طارق جہانگیری کی تعیناتی کالعدم قرار دینے کے معاملے پر کل ہڑتال کا اعلان

ہڑتال کا اعلان

اسلام آباد (ڈیلی پاکستان آن لائن) ڈسٹرکٹ بار ایسوسی ایشن نے جسٹس طارق جہانگیری کی تعیناتی کالعدم قرار دینے کے معاملے پر کل ہڑتال کا اعلان کر دیا ہے۔

یہ بھی پڑھیں: یورپ جی ایس پی پلس جاری رکھے، بھارتی جارحیت روکے: بلاول بھٹو

قانون کی حکمرانی

سما ٹی وی کے مطابق ڈسٹرکٹ بار ایسوسی ایشن کا کہنا ہے کہ وہ قانون کی حکمرانی اور عدلیہ کی آزادی پر مکمل یقین رکھتی ہے اور آئین و قانون کے خلاف کسی بھی اقدام کے خلاف کھڑی ہے۔ بار ایسوسی ایشن نے اس فیصلے کو غیر قانونی اور غیر آئینی قرار دیتے ہوئے اس کی شدید مذمت کی ہے۔ بیان میں کہا گیا ہے کہ کسی بھی مقدمے کا فیصلہ قانونی تقاضے اور آئینی مندرجات پورے کیے بغیر نہیں ہونا چاہیے۔