منیجر پاکستان ہاکی ٹیم مبینہ طور پر جہاز میں سگریٹ پیتے پکڑے گئے، آف لوڈ کردیاگیا

پاکستان ہاکی ٹیم کے منیجر کی واپسی

اسلام آباد(ڈیلی پاکستان آن لائن)پاکستان ہاکی ٹیم کے منیجر انجم سعید غیر ملکی دورے سے وطن واپسی پر مبینہ طور پر جہاز میں سگریٹ نوشی کرتے پکڑے گئے جس کے بعد انہیں آف لوڈ کر دیا گیا۔

یہ بھی پڑھیں: میں کچھ نہیں کرتا، یہ سب اللہ کا کرم ہے، انڈر ۱۹ ایشیا کپ میں کامیابی کے بعد مینٹور سرفراز احمد کا بیان

سگریٹ نوشی کا مبینہ واقعہ

ذرائع کے مطابق ارجنٹینا سے وطن واپسی پر ٹرانزٹ کے لیے جہاز ایک دوسرے ائیرپورٹ پر رُکا۔ اس معاملے پر ذرائع کا کہنا ہے کہ بتایا گیا کہ جہاز واپسی پر برازیل میں ٹرانزٹ کے لیے رُکا تو انجم سعید نے مبینہ طور پر سگریٹ نوشی کی۔

یہ بھی پڑھیں: ایٹمی تنصیبات پر حملے قابل مذمت، امن کو راستہ نہ دیا تو تباہی ہوگی: رافیل گروسی

عملے کی شکایت

جہاز کے عملے نے سگریٹ نوشی پر شکایت کی تو سکیورٹی عملے نے انجم سعید کو آف لوڈ کردیا۔ بعدازاں منیجر انجم سعید اور ایک کھلاڑی کے علاوہ باقی تمام سکواڈ وطن واپس روانہ ہوگیا۔

یہ بھی پڑھیں: کیڈٹ کالج گڈاپ میں طالب علم کی موت کے اسباب جاننے کیلئے انکوائری بورڈ تشکیل

سکیورٹی کے سخت قوانین

ذرائع کا کہنا ہے کہ انجم سعید کے معاملے پر پورے سکواڈ نے خوب منت سماجت کی لیکن سکیورٹی کے عملے نے ایک نہ سنی اور سگریٹ نوشی کے حوالے سے سخت قوانین لاگو کیے اور انہیں آف لوڈ کردیا۔

یہ بھی پڑھیں: آئی ایم ایف نے پاکستان سے مطالبہ کیا ہے کہ روپے کی قدر کو حقیقی موثر شرح تبادلہ کے مطابق ایڈجسٹ کرے

انجم سعید کا مؤقف

دوسری جانب انجم سعید نے اس واقعے کی تردید کی ہے۔ ان کا کہنا ہے کہ ایسا کوئی واقعہ پیش نہیں آیا، میں ایک کھلاڑی کے ساتھ واپسی پر دبئی میں کام کے سلسلے میں رُکا تھا۔

یہ بھی پڑھیں: مذاکرات کی میز کبھی نہیں چھوڑی مگر اس وقت فوکس اسرائیلی جارحیت سے نمٹنے پر ہے: ایرانی وزیر خارجہ

قومی سکواڈ کی واپسی

واضح رہے کہ قومی سکواڈ 2 روز قبل وطن واپس پہنچ چکا ہے جب کہ انجم سعید اور ایک کھلاڑی گزشتہ شب وطن واپس آگئے ہیں۔

تحویل اور جرمانہ

ذرائع کا کہنا ہے کہ سکیورٹی اہلکاروں نے انہیں اپنی تحویل میں لیا اور جرمانہ بھی کیا، اثرو رسوخ استعمال بھی کیا گیا تاہم معاملہ جرمانے پر ختم ہوا۔