میری وزیراعلیٰ مریم نواز سے ملاقات کراو تو ہی نیچے آؤں گا‘شہری ایم پی اے ہاسٹلز کی زیر تعمیر عمارت میں لگی کرین پر چڑھ گیا
معلوماتی مواد
لاہور (ڈیلی پاکستان آن لائن) ایم پی اے ہاسٹلز کی زیر تعمیر عمارت میں لگی کرین پر چڑھے شخص نے وزیراعلیٰ پنجاب مریم نواز سے ملاقات کا مطالبہ کردیا۔
یہ بھی پڑھیں: ایمان مزاری اور ہادی علی چٹھہ نے متنازع ٹویٹس کیس میں ٹرائل رکوانے کیلئے سپریم کورٹ سے رجوع کرلیا
واقعہ کی تفصیلات
پنجاب اسمبلی کے قریب ایم پی ایز ہاسٹل کی زیر تعمیر عمارت میں لگی بلند کرین پر وقار نامی شخص چڑھ گیا اور وزیر اعلیٰ پنجاب مریم نواز سے ملاقات کا مطالبہ کیا۔ متعلقہ شخص نے وزیر اعلیٰ کی تصویر والے بینر بھی پکڑے ہوئے تھے۔
یہ بھی پڑھیں: لاہور میں مختلف واقعات کے نتیجے میں خاتون سمیت 3 افراد جان کی بازی ہار گئے
سکیورٹی اور ریسکیو کی کاروائیاں
اطلاع ملنے پر اسمبلی کے سکیورٹی حکام اور ریسکیو اہلکار موقع پر پہنچ گئے۔ ریسکیو اہلکاروں نے کرین پر چڑھے شخص کو نیچے اترنے کے لیے کہا، تاہم اس نے نیچے اترنے سے منع کردیا اور کہا کہ وہ تب ہی نیچے آئے گا جب اس کی وزیراعلیٰ سے ملاقات کرائی جائے گی۔ ریسکیو اہلکار شخص کو قائل کرنے کی کوشش کرتے رہے لیکن وہ ماننے کے لیے تیار نہیں تھا۔
یہ بھی پڑھیں: انتہا پسندانہ نظریات اور تقسیم پسند قوتوں سے نمٹنے کےلیے مکمل تیار ہیں، فیلڈ مارشل
مشیر کی مداخلت
اسی دوران وزیر اعلیٰ کے مشیر برائے سیاسی امور ذیشان ملک اور ایم پی اے رانا ارشد بھی وہاں پہنچ گئے۔ ذیشان ملک نے فون پر شخص سے بات کی اور اسے جائز مطالبات پورے کرانے کی یقین دہانی کرائی۔
مطالبات کی یقین دہانی
مطالبات پورے ہونے کی یقین دہانی پر متعلقہ شخص نیچے اتر آیا اور وزیر اعلیٰ کے مشیر ذیشان ملک اسے اپنے ساتھ گاڑی میں بٹھا کر روانہ ہوگئے۔
