بھارت نے ٹی ٹوینٹی ورلڈکپ کیلئے سکواڈ کا اعلان کر دیا

بھارت کا ٹی ٹوئنٹی ورلڈکپ 2026 اسکواڈ کا اعلان

نئی دہلی (ڈیلی پاکستان آن لائن) بھارت نے ٹی ٹوئنٹی ورلڈکپ 2026 کے لیے اپنے اسکواڈ کا اعلان کردیا ہے۔

تفصیلات کے مطابق، بھارت کے 15 رکنی اسکواڈ میں نائب کپتان شبمان گل کا نام شامل نہیں ہے۔

اسکواڈ میں جتیش شرما بھی شامل نہیں ہیں۔ سلیکٹرز نے ان دونوں کی جگہ رنکو سنگھ اور ایشان کشن پر اعتماد ظاہر کیا ہے۔

ٹیم مینجمنٹ نے اکشر پٹیل کو نائب کپتان مقرر کیا ہے، جو اپنی حالیہ آل راؤنڈ کارکردگی کی بدولت اہم مقام حاصل کر چکے ہیں۔

یہ منتخب اسکواڈ نیوزی لینڈ کے خلاف پانچ ٹی ٹوئنٹی میچز کی سیریز میں بھی بھارت کی نمائندگی کرے گا، جسے ورلڈ کپ کی تیاریوں کا حصہ مانا جا رہا ہے.

واضح رہے کہ بھارت موجودہ ٹی ٹوئنٹی ورلڈ کپ چیمپئن ہے۔ 2024 کے ایڈیشن میں بھارتی ٹیم نے فائنل میں جنوبی افریقا کو شکست دے کر ٹائٹل اپنے نام کیا تھا۔