40 سے زائد اور بلڈرز نے بھتے کی شکایت کی، فائرنگ کا سلسلہ بھی شروع ہوگیا ہے: فاروق ستار

بھتہ خوری کی بڑھتی ہوئی لعنت

کراچی (ڈیلی پاکستان آن لائن) متحدہ قومی موومنٹ (ایم کیو ایم) پاکستان کے رہنما ڈاکٹر فاروق ستار کا کہنا ہے کہ بھتہ خوری کی لعنت نے ایک بار پھر ڈھٹائی کے ساتھ سر اٹھایا ہے، کراچی میں شہریوں سے کروڑوں روپے کا بھتہ مانگا جا رہا ہے۔

یہ بھی پڑھیں: ایک اور لڑکی بھارت میں اجتماعی زیادتی کا شکار

تاجروں کی مشکلات

کراچی میں پریس کانفرنس کرتے ہوئے انہوں نے کہا کہ تاجروں کو بیرون ممالک سے کالز اور بھتہ کی پرچیاں آرہی ہیں۔ کراچی کے تاجروں اور بلڈرز کا پاکستان کی معیشت میں بڑا کردار ہے۔ 10 کے قریب بلڈرز نے شکایت درج کی ہے، 40 سے زائد بلڈرز ہیں جنہوں نے بھتے کی شکایات کی ہیں، اب بلڈرز کے دفتر پر فائرنگ بھی شروع ہوگئی ہے، بلڈرز کا مکمل ریکارڈ بھتہ خوروں کے پاس ہے۔

یہ بھی پڑھیں: صدر آزاد جموں و کشمیر بیرسٹر سلطان محمود انتقال کر گئے

شہریوں کی حالت

’’جنگ‘‘ کے مطابق فاروق ستار کا کہنا تھا کہ کراچی 60 فیصد محاصل دیتا ہے اور شہریوں کا یہ حال ہے، شہر میں جگہ جگہ پانی کا مسئلہ ہے، سڑکیں ٹوٹی ہوئی ہیں، شہر میں پانی ٹینکر مافیا کے ذریعے جا رہا ہے، ریاست کے اداروں کی توجہ مبذول کرائی ہے۔ سندھ کے وزیراعلیٰ اور چیئرمین پیپلز پارٹی بلاول بھٹو کو پکارا ہے، آباد کے چیئرمین نے درد ناک لہجے میں پریس کانفرنس کی، انہوں نے بھتہ خوری کے جرم کا انکشاف کیا ہے۔