بھتہ ایشو : فاروق ستار کی پریس کانفرنس پر سندھ حکومت کی ترجمان سعدیہ جاوید کا رد عمل بھی آ گیا

فاروق ستار کی پریس کانفرنس پر رد عمل

کراچی (ڈیلی پاکستان آن لائن) فاروق ستار کی پریس کانفرنس پر سندھ حکومت کی ترجمان سعدیہ جاوید کا رد عمل بھی آ گیا۔

یہ بھی پڑھیں: امریکہ میں سکول کے بچوں کے ساتھ جنسی زیادتی اور منشیات فراہم کرنے کے جرم میں خاتون ٹیچر کو 10سال قید کی سزا

سندھ حکومت کا موقف

تفصیلات کے مطابق سندھ حکومت کی ترجمان سعدیہ جاوید نے فاروق ستار کی جانب سے کی گئی پریس کانفرنس پر ردِ عمل کا اظہار کرتے ہوئے کہا ہے کہ ایم کیو ایم پاکستان کے رہنما فاروق ستار فرسودہ سکرپٹ کے ذریعے عوام کو مزید گمراہ نہیں کر سکتے۔ پاکستان پیپلزپارٹی نے ہی کراچی کو بھتہ خوروں سے نجات دلا کر امن واپس لوٹایا۔

یہ بھی پڑھیں: بنگلہ دیش لیگ ٹیم کے کوچز ناراض، رکشے پر بیٹھ کر واپس چلے گئے

سعدیہ جاوید کا مزید بیان

’’جنگ‘‘ کے مطابق سعدیہ جاوید نے مزید کہا کہ جو جماعت برسوں کراچی میں بھتہ خوری اور خوف کی علامت رہی، آج وہ کس منہ سے بات کر رہی ہے؟ وزیرِ اعلیٰ سندھ نے آباد کی شکایات کا نوٹس لے لیا ہے، جلد عملی نتائج سامنے آئیں گے۔

فاروق ستار کی پریس کانفرنس

اس سے قبل متحدہ قومی موومنٹ (ایم کیو ایم) پاکستان کے رہنما ڈاکٹر فاروق ستار کا پریس کانفرنس کرتے ہوئے کہنا تھا کہ بھتہ خوری کی لعنت نے ایک بار پھر ڈھٹائی کے ساتھ سر اٹھایا ہے، کراچی میں شہریوں سے کروڑوں روپے کا بھتہ مانگا جارہا ہے۔