وزیر اعظم نے وفاقی وزراء کو ایکسپورٹرز کے مسائل ترجیحی بنیادوں پر حل کرنے کی ہدایت کردی
وزیرِ اعظم کی ہدایت
اسلام آباد (ڈیلی پاکستان آن لائن) وزیرِ اعظم شہبازشریف نے ملکی برآمدات میں اضافےکے لیے وفاقی وزراء کو ایکسپورٹرز کے مسائل ترجیحی بنیادوں پر حل کرنے کی ہدایت کردی۔
یہ بھی پڑھیں: چین کا اسرائیل اور ایران سے فوری جنگ بند کرنے کا مطالبہ
برآمدات کا جائزہ اجلاس
’’جنگ‘‘ کے مطابق ملکی برآمدات پر جائزہ اجلاس میں وزیر اعظم شہباز شریف نے کہا کہ پاکستان کی معاشی ترقی کے لیے برآمدات میں اضافہ ناگزیر ہے۔ وفاقی وزراء مختلف صنعتی و تجارتی شہروں میں برآمد کنندگان کے پاس خود جائیں۔ چھوٹے اور درمیانے درجے کے کاروبار کے فروغ کے لیے ترجیحی بنیادوں پر کام کرنا ہوگا۔
حکومتی کوششیں
وزیر اعظم کا کہنا تھا کہ حکومت برآمدات میں اضافے کے لیے کاروباری افراد اور برآمد کنندگان کو ہرممکن سہولتیں پہنچانے کے لیے کوشاں ہے۔
