میں کسی تحریک یا ٹکراؤ کی سیاست کا حامی نہیں ہوں، جاوید ہاشمی

جاوید ہاشمی کی تقریب میں شرکت

اسلام آباد (ڈیلی پاکستان آن لائن) سینئر سیاستداں جاوید ہاشمی نے کہا ہے کہ میں کسی تحریک یا ٹکراؤ کی سیاست کا حامی نہیں ہوں۔ اسلام آباد میں جاری اپوزیشن کی 2 روزہ قومی کانفرنس سے جاوید ہاشمی اور جماعتِ اسلامی کے لیاقت بلوچ نے بھی خطاب کیا۔

یہ بھی پڑھیں: چین کا اسرائیل اور ایران سے فوری جنگ بند کرنے کا مطالبہ

مکالمے کی ضرورت

جاوید ہاشمی نے کہا کہ میں کسی تحریک یا ٹکراؤ کی سیاست کا حامی نہیں ہوں، ہم کہتے ہیں کہ آؤ مکالمہ کریں مگر بات آگے نہیں بڑھتی۔ انہوں نے کہا کہ علمائے کرام اور سیاسی کارکنوں کی قربانیاں تاریخ کا حصہ ہیں۔

قومی ایجنڈے پر اتحاد

لیاقت بلوچ نے کہا کہ قومی ایجنڈے پر سیاسی جماعتیں، میڈیا اور سول سوسائٹی کو اکٹھا ہونا ہو گا۔ ان کا کہنا ہے کہ پر امن سیاسی جدو جہد کے ذریعے آگے بڑھنا ہو گا۔ قومی ترجیحات میں کم از کم ایجنڈا متفقہ آئین کا تحفظ کرنا ہے۔