پنجاب میں آج بھی شدید دھند کا راج، کئی مقامات پر موٹرویز ٹریفک کے لیے بند

شدید دھند کی وجہ سے موٹرویز کی بندش

لاہور(ڈیلی پاکستان آن لائن)صوبہ پنجاب کے کئی شہروں میں شدید دھند کی وجہ سے حدِ نگاہ کم ہونے پر موٹرویز مختلف مقامات سے بند کر دی گئیں۔

یہ بھی پڑھیں: بلاول کی وزیراعظم سے ملاقات، اہم دارالحکومتوں میں پاکستانی مؤقف سامنے رکھنے کیلئے رہنمائی لی

موٹروے کی تفصیلات

نجی ٹی وی چینل دنیا نیوز کے مطابق دھند کے باعث موٹروے ایم 2 لاہورسے کوٹ مومن تک، ایم 3 لاہور سے سمندری تک، جبکہ سیالکوٹ موٹروے ایم 11 بھی بند کر دی گئی۔ اس کے علاوہ موٹروے ایم 4 پنڈی بھٹیاں سے فیصل آباد تک بند ہے۔

یہ بھی پڑھیں: اچھی دوستی تھی؛ لکھوا لیا”یہ الیکشن امن و امان کی صورتحال پیدا کر سکتے ہیں لہٰذا وقتی طور پر ملتوی کر دینا چاہیے“اس دور میں اے سی انتطامیہ کا سربراہ ہوتا تھا۔

موٹروے پولیس کی ہدایات

موٹروے پولیس کے مطابق دھند میں محفوظ سفری اوقات صبح 10 تا شام 6 ہیں۔ قومی شاہراہ پر سندر، مانگا منڈی، پھول نگر اور پتوکی میں بھی دھند موجود ہے، جہاں حد نگاہ صفر سے 100 میٹر تک ہے۔

یہ بھی پڑھیں: پی ٹی آئی احتجاج میں غیر قانونی افغانیوں کی موجودگی کے شواہد سامنے آگئے

لاہور ایئرپورٹ پر پروازوں کا شیڈول متاثر

ادھر لاہور ایئرپورٹ پر پروازوں کا شیڈول جزوی طور پر متاثر ہو گیا ہے، لاہور سے بیرون ملک جانے والی متعدد پروازیں تاخیر کا شکار ہوگئیں۔

متاثرہ پروازیں

ایئرپورٹ ذرائع کے مطابق لاہور سے دبئی، سعودی عرب اور ابو ظہبی جانے والی پروازیں تاخیر کا شکار ہیں، جبکہ لاہور سے کینیڈا جانے والی پی آئی اے کی پرواز میں بھی 7 گھنٹے سے زائد کی تاخیر ہو چکی ہے۔