انڈر 19 ایشیاء کپ: فائنل میں پاکستان نے بھارت کو دھول چٹا دی، 191 رنز سے شکست دے کر ٹائٹل جیت لیا

پاکستان کی شاندار فتح

دبئی (مانیٹرنگ ڈیسک) انڈر 19 ایشیا کپ کے فائنل میں بھارت کو عبرتناک شکست، پاکستان نے بھارت کو 191 رنز سے شکست دے کر ٹائٹل اپنے نام کر لیا۔

یہ بھی پڑھیں: پی ٹی آئی سے بات چیت میں مکمل ڈیڈلاک ہے: رانا ثنا اللّٰہ

میچ کی تفصیلات

دبئی میں کھیلے جانے والے اے سی سی انڈر 19 ایشیا کپ کے فائنل میں پاکستان نے بھارت کو جیت کے لیے 348 رنز کا ہدف دیا، جواب میں بھارتی ٹیم 156 پر آل آؤٹ ہوگئی۔ 23 اوورز کے اختتام پر بھارت کا سکور 120 رنز پر 8 وکٹیں ہو چکا تھا، جبکہ جیت کے لیے 27 اوورز میں 228 رنز درکار تھے۔

یہ بھی پڑھیں: سٹاک مارکیٹ میں زبردست تیزی، ایک ہزار پوائنٹس سے زائد کا اضافہ

پاکستان کی بولنگ کی برتری

Sheer dominance with the ball!

Pakistan pacers on top in Dubai. India U19 are 86-6 after 13 overs #PAKvIND | #PakistanFutureStars | #U19AsiaCup pic.twitter.com/VuXEzIMo46

— Pakistan Cricket (@TheRealPCB) December 21, 2025

یہ بھی پڑھیں: عمران خان کا کہنا ہے بدترین قید منظور ہے لیکن کسی صورت غلامی منظور نہیں ، بہن عظمیٰ خان

حذیفہ احسن کی شاندار بولنگ

میچ میں حذیفہ احسن نے شاندار بولنگ کا مظاہرہ کرتے ہوئے دو اہم وکٹیں حاصل کیں۔ انہوں نے پہلے خِلان پٹیل (19 رنز) کو لانگ آف پر کیچ آؤٹ کروایا، جبکہ بعد میں ہنیل پٹیل (6 رنز) بھی ان کی گیند پر لانگ آف پر ہی کیچ دے بیٹھے۔ عبدال سبحان نے بھی سخت لائن و لینتھ کے ساتھ دباؤ برقرار رکھا اور کم رنز دے کر وکٹیں حاصل کیں۔

یہ بھی پڑھیں: 10 سالوں میں سکول نہ جانے والے بچوں کی تعداد میں صرف ایک فیصد کمی ہوئی: یونیسکو

پاکستان کی بیٹنگ کی کامیابی

انڈر 19 ایشیاء کپ کے فائنل میں بھارت نے پاکستان کے خلاف ٹاس جیت کر پہلے فیلڈنگ کا فیصلہ کیا۔ پاکستان نے مقررہ اوورز میں 8 وکٹوں کے نقصان پر 347 رنز بنائے۔

پاکستان کے اوپنر سمیر منہاس نے عمدہ کارکردگی کا مظاہرہ کرتے ہوئے ٹیم کا ٹوٹل سکور بڑھانے میں اہم کردار ادا کیا، سمیر منہاس 113 گیندوں پر 17 چوکوں اور 9 چھکوں کی مدد سے 172 رنز کی اننگ کھیل کر آؤٹ ہوئے۔

پاکستان کے دیگر کھلاڑیوں میں احمد حسین نے 56، عثمان خان نے 35، کپتان فرحان یوسف نے 19 اور حمزہ ظہور نے 18 رنز بنائے۔

یہ بھی پڑھیں: اداکار عمر عالم رشتہ ازدواج میں منسلک، نکاح کی تصاویر وائرل

ٹاس اور اس کی اہمیت

اس سے قبل ٹاس کے موقع پر آج بھی کپتانوں کا ہینڈ شیک نہیں ہوا، ٹاس سے قبل ٹرافی کے ساتھ تصویر کے موقع پر بھی ہینڈ شیک نہیں ہوا تھا۔

تاریخی پس منظر

یاد رہے کہ 2012 کے انڈر 19 ایشیاء کپ میں پاکستان، بھارت کے ساتھ مشترکہ طور پر چیمپئن رہا تھا۔ پاکستان 2 بار آئی سی سی انڈر 19 ورلڈ کپ کا ٹائٹل جیت چکا ہے لیکن اب تک انڈر 19 ایشیاء کپ کا فاتح نہیں بنا تھا۔