پاکستان سے عبرتناک شکست پر انڈین کرکٹ بورڈ کی ٹویٹ توجہ کا مرکز بن گئی

پاکستان کی شاندار فتح

نئی دہلی(ڈیلی پاکستان آن لائن)پاکستان کے ہاتھوں عبرتناک شکست کے بعد جب انڈین کرکٹ بورڈ (بی سی سی آئی) نے میچ سے متعلق ٹویٹ کی تو اُس میں صرف یہ لکھا گیا کہ ’’انڈر 19 ایشیا ءکپ کے فائنل میں انڈیا کو 191 رنز سے شکست۔‘‘

یہ بھی پڑھیں: یہ طاقت نہیں بزدلانہ فعل ہے، فواد خان، ماہرہ خان سمیت پاکستانی اداکاروں کی بھارتی حملے کی شدید مذمت

بی سی سی آئی کی خاموشی

عام طور پر کرکٹ بورڈز اس نوعیت کی اپ ڈیٹس میں جیتنے والی ٹیم کا بھی نام لکھتے ہیں، اور جیتنے والی ٹیم کو مبارکباد دینے کی بھی روایت رہی ہے۔ لیکن بی سی سی آئی کی اس ٹویٹ میں پاکستان کا نام نہیں تھا۔

A defeat for India U19 in the #Final by 191 runs.

Scorecard ▶️ https://t.co/ht0DLU8XQ3#MensU19AsiaCup2025 pic.twitter.com/FTmHWPbkVD

— BCCI (@BCCI) December 21, 2025

یہ بھی پڑھیں: بڑی تعداد میں پی ٹی آئی کے کارکنان لاپتہ ، تحریک انصاف کیا کام کر رہی ہے ؟ فیصل چوہدری نے بتا دیا

سوشل میڈیا کی ردعمل

پاکستانی سوشل میڈیا صارفین نے یہ بات نوٹ کی۔ اس ٹویٹ کے نیچے پاکستانی صارفین بی سی سی آئی کو ٹیگ کر کے جیتنے والی ٹیم کا نام پوچھتے رہے۔

مشہور تبصرے

ایک صارف شاہد عباسی نے اس موقع پر جون ایلیا کی شاعری کا سہارا لیا اور لکھا ’’آپ وہ جی مگر یہ سب کیا ہے، تم میرا نام کیوں نہیں لیتیں۔‘‘

سبحان نے بی سی سی آئی کو ٹیگ کیا اور مشورہ دیا کہ ’’کس نے ہرایا۔۔۔ کوئی نام۔۔۔ نام یاد رکھنا، پاکستان۔‘ ‘

پاکستان کے سابق وکٹ کیپر بلے باز عتیق الزمان نے لکھا کہ’’آنے کا شکریہ لیکن ٹرافی ایشیئن کرکٹ کونسل ہیڈ آفس سے بہتر جگہ پر ہے۔‘‘