پاکستان کی خدمت کرنا ہم سب کی اولین ترجیح ہے، بلاول بھٹو زرداری

پاکستان کا منفرد مقام

جامشورو ( ڈیلی پاکستان آن لائن ) چیئرمین پیپلز پارٹی بلاول بھٹو زرداری نے کہا ہے کہ پاکستان عالمی سطح پر اپنا منفرد مقام بنا چکا ہے، پاکستان اپنی خود مختاری کی حفاظت کرنا جانتا ہے۔ پاکستان کی خدمت کرنا ہم سب کی اولین ترجیح ہے۔

یہ بھی پڑھیں: مغربی ممالک نے آئی اے ای اے پر دباؤ ڈال کر ایران کے جوہری پروگرام پر متنازعہ رپورٹ تیار کروائی، روسی وزرات خارجہ

کیڈٹ کالج پٹارو کی اہمیت

کیڈٹ کالج پٹارو میں یوم والدین کی تقریب سے خطاب کرتے ہوئے انہوں نے کہا کہ کیڈٹ کالج پٹارو ایک بہترین ادارہ ہے، نوجوانوں کی کردار سازی میں کیڈٹ کالج پٹارو کا اہم کردار ہے۔ کیڈٹ کالج کا ڈسپلن سزا نہیں بلکہ آزادی ہے،تعلیم کے معیار کو بہتر بنانا ہماری ترجیح ہے، نوجوان ہمارا مستقبل ہیں۔

یہ بھی پڑھیں: بھارت کے ساتھ پاکستان کی جنگ، سابق گورنر سندھ محمد زبیر کی اہلیہ نے دلچسپ کہانی سنادی

پاکستان کی ترقی کا راستہ

’’جنگ ‘‘ کے مطابق چیئرمین پیپلز پارٹی نے کہا کہ پاکستان کی خدمت کرنا ہم سب کی اولین ترجیح ہے، ٹیلنٹ کے بہترین استعمال سے ہی ترقی ممکن ہے۔ سندھ ہمیشہ سے پاکستان کے ساتھ دل کی طرح رہا ہے، جب قوم آواز دے تو آپ کو ہمت کے ساتھ جواب دینا ہے۔