26 نومبر احتجاج کیس: علیمہ خان پر فرد جرم عائد کرنے کیخلاف اپیل دائر

راج تلاش مقدمے میں علیمہ خان کی اپیل

راولپنڈی(ڈیلی پاکستان آن لائن) لاہور ہائی کورٹ راولپنڈی بنچ میں 26نومبر احتجاج پر درج مقدمے میں علیمہ خان پر فرد جرم عائد کرنے کے خلاف اپیل دائر کردی گئی۔

اپیل دائر کرنے کی تفصیلات

نجی ٹی وی چینل دنیا نیوز کے مطابق اپیل علیمہ خان نے اپنے وکیل فیصل ملک ایڈووکیٹ کے ذریعے دائر کی، سماعت جسٹس صداقت علی خان، جسٹس سلطان محمود پر مشتمل ڈویژن بنچ نے کی۔

رجسٹرار آفس کے اعتراضات

رجسٹرار آفس نے اعتراض کیا کہ درخواست کے ساتھ تصدیق شدہ ایف آئی آر کی کاپی موجود نہیں، جس پر عدالت نے علیمہ خان کے وکیل کو ہدایت کی کہ پہلے دستاویزات مکمل کی جائیں۔

درخواست میں استدعا

درخواست میں استدعا کی گئی ہے کہ علیمہ خان کی غیر موجودگی پر ان پر فرد جرم عائد کی گئی جو قانونی طور پر درست نہیں۔ عدالت ٹرائل کورٹ کو ہدایت دے کہ قانون کے مطابق فرد جرم کا عمل دوبارہ مکمل کیا جائے، قانونی تقاضوں کے مطابق درخواست گزار کو سنا جائے۔

عدالت کی ہدایت

عدالت نے وکیل صفائی کو رجسٹرار آفس کے اعتراضات دور کرنے کی ہدایت کی اور کہا ہے کہ اعتراضات دور ہونے کے بعد درخواست کو سماعت کیلئے مقرر کیا جائے گا。