متنازع ٹوئٹ کا کیس، سماعت کے دوران پراسیکوشن اور ایمان مزاری کے شوہر کے درمیان تلخی، ہاتھا پائی کی کوشش

سماعت کے دوران تناؤ کی صورتحال

اسلام آباد (ویب ڈیسک) ایمان مزاری، ہادی علی چٹھہ کے خلاف متنازع ٹوئٹس کیس کی سماعت کے دوران پراسیکوشن اور ایمان مزاری کے شوہر ہادی علی چٹھہ کے درمیان تلخ جملوں کے تبادلے کے بعد عدالت کے اندر ہاتھا پائی کی کوشش کی گئی جس کے بعد پولیس نے بیچ بچاؤ کروایا، جج افضل مجوکا نے کہا کہ پراسیکوشن کو اپنے الفاظ پر معافی مانگنی چاہیئے، اگر کسی سوال پر اعتراض ہے تو عدالت کو بتائیں۔

یہ بھی پڑھیں: ٹی ٹوئنٹی کی نئی رینکنگ جاری، ٹاپ ٹین میں پاکستان کا کوئی کھلاڑی شامل نہیں

جج کا فیصلہ اور سماعت کی تفصیلات

ایڈیشنل ڈسٹرکٹ اینڈ سیشن جج افضل مجوکا نے کیس پر سماعت کی، نائب قاصد این سی سی آئی اے افضل پر ایمان مزاری اور ہادی علی چٹھہ کی جرح مکمل ہوگئی۔ جج افضل مجوکا نے کہا کہ ایمان مزاری بھی گواہ پر اپنی جرح کرلیں، ایک گواہ کو بار بار نہیں بلایا جاسکتا۔

یہ بھی پڑھیں: تین سال سے معیشت کی بہتری کا جھوٹ بولا جا رہا ہے، سلمان اکرم راجہ

ہادی علی چٹھہ کا مؤقف

ہادی علی چٹھہ نے مؤقف اپناتے ہوئے کہا کہ ایمان کے وکیل آج موجود نہیں، جج افضل مجوکا نے کہا کہ ایک گواہ پر دونوں ملزمان کی جانب سے جرح مکمل ہوگی تو پھر دوسرے گواہ پر جرح ہوگی۔

یہ بھی پڑھیں: سونے کی قیمت میں پھر اضافہ

ایمان مزاری کی درخواست

ایمان مزاری نے کہا کہ میرے وکیل فیصل صدیقی جرح کریں گے، انہوں نے بھی گواہ افضل پر ہادی علی چٹھہ کی جانب سے کی گئی جرح اڈاپٹ کر لی اور کہا کہ جج صاحب ہمارا احتجاج بھی نوٹ کر لیں کہ میرے وکیل کو جرح کا موقع نہیں دیا گیا، جج افضل مجوکا نے کہا کہ آپ کا اختلاف بھی لکھ دیا ہے۔

یہ بھی پڑھیں: پریس فریڈم انڈیکس میں پاکستان کی تنزلی، 152 سے 158 درجے پر آگیا

جراح اور کشیدگی کا واقعہ

این سی سی آئی اے کے دوسرے گواہ وسیم پر ایمان مزاری اور ہادی علی چٹھہ نے جرح کی، اس دوران پراسیکوشن اور ہادی علی چٹھہ کے درمیان تلخ جملوں کا تبادلہ ہوا۔ پراسیکوشن کی جانب سے ہادی علی چٹھہ کے لیے بکواس کے الفاظ استعمال کرنے پر عدالتی ماحول میں کشیدگی ہوئی۔

پولیس کا موقع پر مداخلت

پراسیکوشن اور وکلا صفائی کے درمیان عدالت کے اندر ہاتھا پائی کی کوشش ہوئی، پولیس نے عدالت میں آکر پراسیکوشن اور وکلا صفائی میں بیچ بچاؤ کروایا۔