معلوم ہو گیا: دو ماہ سے غائب اڈیالہ جیل کے سابق ڈپٹی سپرنٹنڈنٹ محمد اکرم کا سراغ مل گیا

محمد اکرم کی واپسی

لاہور(ڈیلی پاکستان آن لائن) دو ماہ سے غائب اڈیالہ جیل کے سابق ڈپٹی سپرنٹنڈنٹ محمد اکرم کا پتا چل گیا۔

یہ بھی پڑھیں: Your Day (Wednesday) Under the Stars: What to Expect?

اینٹی کرپشن اسٹیبلشمنٹ کی کارروائی

جیو نیوز کے مطابق محمد اکرم اس وقت اینٹی کرپشن اسٹیبلشمنٹ کی تفتیشی ٹیم کے پاس 3 روزہ جسمانی ریمانڈ پر ہیں۔ اڈیالہ جیل کے سابق ڈپٹی سپرنٹنڈنٹ محمد اکرم کے خلاف اینٹی کرپشن شیخوپورہ میں مقدمہ سامنے آیا ہے۔

یہ بھی پڑھیں: تحریک انتشار کے کارکنوں نے قیدی وینز پر حملہ کیا، وزیر اطلاعات عطا تارڑ

عدالت میں پیشی

محمد اکرم سے اینٹی کرپشن اسٹیبلشمنٹ ٹیم کی تفتیش جاری ہے۔ محمد اکرم کو 10 اکتوبر کو سینئر سول جج کریمنل ڈویژن خدایار کی عدالت میں پیش کیا جائے گا۔

رشوت کے الزامات

محمد اکرم کے خلاف شہری ریاض قریشی کی مدعیت میں مقدمہ درج کیا گیا تھا۔ مقدمے میں سابق ڈپٹی سپرنٹنڈنٹ اڈیالہ جیل محمد اکرم پر 95 ہزار روپے رشوت لینے کا الزام ہے۔