پاکستان کی ترقی میں رکاوٹ بننے والوں سے مذاکرات نہیں کرنے چاہئیں، گورنر سندھ

گورنر سندھ کا بیان

کراچی(ڈیلی پاکستان آن لائن)گورنر سندھ کامران ٹیسوری نے کہا ہے کہ ایسے لوگوں سے مذاکرت نہیں کرنے چاہئیں جو پاکستان کی ترقی میں رکاوٹ ہیں۔

یہ بھی پڑھیں: پختونخوا میں 33 ارب روپے کے مفت سولرائزیشن منصوبے میں سنگین بے ضابطگیاں

پی ٹی آئی کے موقف پر گفتگو

روزنامہ جنگ کے مطابق کراچی میں مزارِ قائد پر حاضری دینے کے بعد میڈیا سے گفتگو میں کامران ٹیسوری نے کہا کہ پی ٹی آئی کے دوست مذاکرات کو نہیں مانتے، اڈیالہ میں بیٹھا شخص مغرور ہے۔

یہ بھی پڑھیں: 27ویں آئینی ترمیم میں ممکنہ تبدیلیاں سامنے آ گئیں

معیشت کی جنگ

گورنر سندھ نے کہا کہ جس طرح بھارت سے جنگ جیتی ہے اسی طرح معیشت کی جنگ بھی جیت لیں گے۔ معرکہ معیشت کے لیے ہم تیار ہیں۔

یہ بھی پڑھیں: کراچی میں سکول کی طالبہ سے مبینہ اجتماعی زیادتی کا مقدمہ درج کرلیا گیا

پاکستان کی اہمیت

انہوں نے کہا کہ پاکستان خطے میں اہم ترین ملک بن چکا ہے، اسلام آباد طاقت کا مرکز بن گیا ہے۔ پاکستان سعودی عرب میں محافظ کا کردار ادا کررہا ہے۔

یہ بھی پڑھیں: کراچی: سمگل شدہ پٹرول فروخت کرنے والے صوبے میں 176 پمپس سیل کرنے کا حکم

فیلڈ مارشل کی پالیسی

کامران ٹیسوری کا کہنا تھا کہ فیلڈ مارشل کی دوٹوک پالیسی نے پاکستان کو دنیا میں اہم مقام دلایا، بہترین عسکری حکمت عملی نے پاکستان کا اعتماد بحال کیا۔

یہ بھی پڑھیں: عدالتیں اپنے احکامات پر عمل کروائیں، ہم کوئی ریلیف نہیں قانون کے مطابق انصاف مانگتے، بیرسٹر گوہر

نجکاری کا عمل

گورنر سندھ نے کہا کہ قومی ایئرلائن کی نجکاری کا عمل گیم چینجر ثابت ہوسکتا ہے، دو دہائی بعد نجکاری کا عمل شفاف طریقے سے نظر آرہا ہے۔

یہ بھی پڑھیں: پاکستان میں واٹس ایپ ہیک کرنے کے واقعات میں اضافہ

مزارِ قائد پر حاضری

قبل ازیں گورنر سندھ کامران ٹیسوری اور وزیراعلیٰ سندھ مراد علی شاہ نے مزارِ قائد پر حاضری دی اور فاتحہ خوانی کی۔

کابینہ کے ارکان کی موجودگی

اس موقع پر سینئر وزیر شرجیل انعام میمن، ناصر حسین شاہ اور دیگر کابینہ ارکان بھی ان کے ہمراہ تھے.