اسے بند کرو، بند کرو، وسیم بادامی کے شو کے دوران کسی نے زبردستی احسن اقبال کی ویڈیو کال بند کروا دی

اسلام آباد میں واقعہ

اسلام آباد (ڈیلی پاکستان آن لائن) براہ راست ٹی وی نشریات کے دوران نامعلوم شخص نے وفاقی وزیر احسن اقبال کی ویڈیو کال بند کروا دی۔ یہ واقعہ اے آر وائی نیوز پر اینکر وسیم بادامی کے شو کی براہ راست نشریات کے دوران پیش آیا۔

یہ بھی پڑھیں: پاکستان سپورٹس بورڈ کی جانب سے ارشد ندیم کو 20 لاکھ روپے کا ایوارڈ

احسن اقبال کی گفتگو

احسن اقبال پی ٹی آئی کے ساتھ مذاکرات کے حوالے سے گفتگو کر رہے تھے۔ وہ بذریعہ ویڈیو کال پروگرام میں شریک تھے جب کہ اچانک کوئی نامعلوم شخص آیا۔ احسن اقبال نے گفتگو کرتے ہوئے نظریں اٹھا کر اسے دیکھا۔ اگلے ہی لمحے اس شخص کی آواز آئی "بند کرو، بند کرو اسے۔" اس کے ساتھ ہی اس نے موبائل پر ججھپٹنے کی کوشش کی لیکن احسن اقبال نے اچانک ہڑبڑاہٹ میں موبائل فون اٹھایا اور کال منقطع ہوگئی۔

یہ بھی پڑھیں: 2025 میں طالبان نے کتنے سابق فوجی اہلکاروں کو موت کے گھاٹ اتار دیا۔؟ افغان جریدے کی دل دہلا دینے والی رپورٹ جاری

وسیم بادامی کا ردعمل

اس اچانک واقعے سے وسیم بادامی بھی پریشان ہوگئے اور انہوں نے سوال کیا کہ کیا احسن اقبال اپنے گھر سے پروگرام میں شریک تھے۔ انہوں نے اپنی ٹیم سے کہا کہ معاملے کا پتہ کروائیں۔ اس کے بعد وہ وقفے پر چلے گئے۔ تقریباً سات منٹ کے وقفے کے بعد وسیم بادامی دوبارہ لائیو ہوئے لیکن انہوں نے احسن اقبال کے معاملے پر کوئی بات نہیں کی۔

یہ بھی پڑھیں: اغوا کے بعد بیچا گیا 6 ماہ کا بچہ بازیاب، ملزم گرفتار

مہمانوں کی تبدیلی

وقفے کے بعد احسن اقبال نے شو کو دوبارہ جوائن نہیں کیا اور مہمان بھی بدلے جا چکے تھے۔ اب پی ٹی آئی رہنما شوکت یوسفزئی، صحافی اطہر کاظمی اور عامر الیاس رانا پروگرام کا حصہ بن چکے تھے۔ یہ واضح نہیں ہوسکا کہ احسن اقبال کے ساتھ یہ سلوک کرنے والا شخص کون ہے اور نہ ہی تاحال ان کی خیریت کی کوئی خبر سامنے آئی ہے۔

سوشل میڈیا پر ردعمل

“بند کرو اسے”۔
لائیو پروگرام کے دوران وفاقی وزیر احسن اقبال سے کسی نے زبردستی ویڈیو بند کروا دی۔ حیران کن مناظر pic.twitter.com/HwhSVPFiRl

— Rizwan Ghilzai (Remembering Arshad Sharif) (@rizwanghilzai) December 25, 2025