سہیل آفریدی نے لاہور پہنچ کر خود کو پاکستان کا لیڈر بنا لیا ہے، اس دورے کے فیصلے پر ان کی جتنی تعریف کی جائے کم ہے، فواد چودھری

فواد چودھری کا تبصرہ

لاہور (ڈیلی پاکستان آن لائن) سابق وفاقی وزیر فواد چودھری کا کہنا ہے کہ سہیل آفریدی نے لاہور پہنچ کر خود کو پاکستان کا لیڈر بنا لیا ہے۔ اس دورے کے فیصلے پر ان کی جتنی تعریف کی جائے کم ہے۔

یہ بھی پڑھیں: آج جمہوریت کو بادشاہت میں تبدیل کردیا گیا، چیئرمین پی ٹی آئی

نون لیگی رہنماؤں کی بے نقابی

اپنے ایکس بیان میں انہوں نے کہا کہ لاہور کے انتہائی سطحی نون لیگی لیڈروں کو سہیل آفریدی، مینا آفریدی، شاہد خٹک، اور خیبرپختونخوا کے دوسرے دوستوں نے مکمل ایکسپوز کر دیا۔ یہ ثابت کیا کہ ملک کی صرف ایک وفاقی جماعت ہے جو پاکستان تحریک انصاف ہے۔

مریم نواز کی عقل پر سوال

فواد چودھری نے مزید کہا کہ اگر مریم نواز میں عقل ہوتی تو خیبر پختونخوا کے وزیراعلیٰ کو سرکاری پروٹوکول دیتیں اور ملاقات کرتیں۔ اس سے ان کا قد کہاں پہنچ جاتا، لیکن یہاں تو ہر وقت "مار لو پکڑ لو" سے کام چلانے کی کوششیں ہیں۔ تین سال سے رزلٹ زیرو ہے اور اب بھی نتیجہ صفر ہو گا۔

سہیل آفریدی نے لاہور پہنچ کر خود کو پاکستان کا لیڈر بنا لیا ہے، اس دورے کے فیصلے پر ان کی جتنی تعریف کی جائے کم ہے۔ لاہور کے انتہائی سطحی نون لیگی لیڈروں کو سہیل آفریدی، مینا آفریدی اور شاہد خٹک اور پختونخوا کے دوسرے دوستوں نے مکمل ایکسپوز کر دیا اور ثابت کیا کہ ملک کی صرف ایک…

— Ch Fawad Hussain (@fawadchaudhry) December 26, 2025