عمران خان نے توشہ خانہ ٹو کیس کا فیصلہ چیلنج کرنے کا اعلان کر دیا

عمران خان اور بشریٰ بی بی کی اپیلیں

اسلام آباد (ڈیلی پاکستان آن لائن) بانی پی ٹی آئی عمران خان اور بشریٰ بی بی نے توشہ خانہ کیس میں اپنے خلاف سنائے گئے فیصلے کو چیلنج کرنے کے لیے اپیلیں تیار کر لی ہیں۔ یہ اپیلیں پیر کو اسلام آباد ہائیکورٹ میں دائر کی جائیں گی۔

یہ بھی پڑھیں: چینی شہری کا سابقہ محبوبہ سے لیا گیا قرض 24 سال بعد واپس کرنے کیلئے انوکھا اقدام

اپیلوں کی تفصیلات

پبلک نیوز کے مطابق بیرسٹر سلمان صفدر کے ذریعے دائر کی جانے والی دونوں اپیلوں میں فیصلہ کالعدم قرار دینے کی درخواست کی جائے گی۔ اپیلوں کے متن میں کہا گیا ہے کہ عدالت نے انعام اللہ شاہ اور وعدہ معاف گواہ کے بیانات پر انحصار کیا، جو ناقابلِ اعتبار تھے۔ استغاثہ کیس ثابت کرنے میں ناکام رہا، اور ایک ہی جرم میں متعدد بار سزا نہیں دی جا سکتی۔ اسپیشل سینٹرل عدالت کو کیس کی سماعت کا اختیار نہیں تھا۔

مزید وضاحت

اپیلوں کے متن میں مزید کہا گیا کہ صہیب عباسی کو غیر قانونی طور پر سلطانی گواہ بنایا گیا۔ سابق حکمران جوڑے نے بلغاری سیٹ توشہ خانہ قواعد کے مطابق اپنے پاس رکھا۔ مقدمہ بغیر تفتیش کے قائم کیا گیا اور یہ سیاسی انتقام کا حصہ ہے۔ درخواست گزار سرکاری ملازم کی تعریف میں نہیں آتے، لہٰذا ان کے خلاف کارروائی قانون کے مطابق نہیں۔