وبائی امراض سے بچاؤ کے لیے ہر دم تیار رہنا ضروری ہے: وزیر اعلیٰ مریم نواز

وزیر اعلیٰ پنجاب کا پیغام

لاہور(ڈیلی پاکستان آن لائن) وزیر اعلیٰ پنجاب مریم نواز نے وبائی امراض سے بچاؤ کی تیاری کے عالمی دن پر اپنے پیغام میں کہا ہے کہ وبائی امراض کسی علاقے تک محدود نہیں رہتے بلکہ پوری دنیا کو متاثر کرتے ہیں۔ وبائی امراض سے بچاؤ اور قابو پانے کے لیے ہر دم تیار رہنا ضروری ہے۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا؟

صحت کے شعبے میں بہتری

وزیراعلیٰ مریم نواز نے کہا کہ حکومت پنجاب شعبہ صحت کی کیپسٹی بڑھا رہی ہے، سب سے زیادہ صحت پر کام کیا گیا۔ شہری صحت سے متعلق ذمہ داریوں کو سنجیدگی سے نبھائیں اور احتیاطی تدابیر کو زندگی کا حصہ بنائیں۔ وبائی امراض سے بچاؤ کے لیے بروقت تیاری نہ صرف جان بچاتی ہے بلکہ معیشت اور معاشرت کو بھی محفوظ رکھتی ہے۔

فوری عملدرآمد کی ضرورت

وزیراعلیٰ مریم نواز نے کہا کہ وبائی امراض کے مقابلے کے لیے تعاون اور احتیاطی تدابیر پر فوری عملدرآمد کی ضرورت ہے۔ کورونا کی وبا نے عالمی برادری میں صحت اور بہبود کے تحفظ کے لیے مستقل عزم اور کوشش کی ضرورت کو اجاگر کیا۔ وائرس سے شروع ہونے والی وبا نے معاشی اور سماجی طور پر پوری دنیا کو متاثر کیا۔