نواز شریف اور مریم نواز دبئی روانہ ہوگئے

نجی دورہ: میاں نواز شریف اور مریم نواز بیرونِ ملک روانہ

لاہور (ڈیلی پاکستان آن لائن) پاکستان مسلم لیگ (ن) کے قائد میاں نواز شریف اور وزیراعلیٰ پنجاب مریم نواز شریف مختصر نجی دورے پر بیرونِ ملک روانہ ہو گئے ہیں۔

یہ بھی پڑھیں: مردان میں جائیداد کے تنازع پر باپ اور دو بیٹے قتل

دبئی میں قیام کی تفصیلات

نجی ٹی وی 24 نیوز کے مطابق میاں نواز شریف اور مریم نواز دبئی میں دو روز قیام کریں گے۔ خاندانی ذرائع کا کہنا ہے کہ دونوں دبئی جنید صفدر کی شادی کی تیاریوں کے سلسلے میں گئے ہیں۔ میاں نواز شریف دبئی میں اپنے نواسے جنید صفدر کی شادی کی تقریبات میں شرکت کی دعوت دینے کے لیے گئے ہیں اور وہ اپنے قریبی احباب کو ذاتی طور پر شادی کے دعوت نامے دیں گے۔

یہ بھی پڑھیں: دریائے چناب میں ہیڈ پنجند کے مقام پر انتہائی اونچے درجے کا سیلاب

سفر کی تفصیلات

میاں نواز شریف اور مریم نواز شریف جاتی امرا سے علامہ اقبال انٹرنیشنل ایئرپورٹ پہنچے، جہاں سے وہ معمول کی کمرشل پرواز کے ذریعے دبئی روانہ ہوئے۔ دبئی قیام کے بعد ان کی لندن روانگی بھی متوقع ہے۔

یہ بھی پڑھیں: کوئٹہ میں بلدیاتی انتخابات کا شیڈول جاری

شادی کی تیاریوں کی صورتحال

جنید صفدر کی شادی کی تیاریاں جاتی امرا اور لاہور میں دلہن کے خاندان، شیخ روحیل اصغر کی فیملی کے ہاں خاموشی سے جاری ہیں۔ ان تیاریوں کو عمومی طور پر میڈیا سے دور رکھا جا رہا ہے۔ جنید صفدر کی ہونے والی اہلیہ شانزے، مسلم لیگ (ن) کے لاہور سے سینئر رہنما شیخ روحیل اصغر کی پوتی ہیں۔

شادی کی تقریبات کی تاریخیں

جنید صفدر اور شانزے کی شادی کی تقریبات 16، 17 اور 18 جنوری 2026 کو منعقد ہوں گی۔ مہندی کی رسم اور ولیمہ جاتی امرا میں ہوگا۔ دلہن کے خاندان کی جانب سے بارات کا انتظام لاہور کے لیک سٹی گالف اینڈ کنٹری کلب میں کیا جائے گا.