عمران خان اور بشریٰ بی بی نے توشہ خانہ ٹو کیس میں سزا کیخلاف اپیلیں دائر کر دیں۔

عمران خان اور بشریٰ بی بی کی اپیلیں

اسلام آباد (ڈیلی پاکستان آن لائن) بانی پی ٹی آئی عمران خان اور ان کی اہلیہ بشریٰ بی بی نے توشہ خانہ ٹو کیس میں سزا کے خلاف دو الگ الگ اپیلیں اسلام آباد ہائی کورٹ میں دائر کر دی ہیں۔

یہ بھی پڑھیں: تحریک انصاف نے فواد چوہدری کے بھائی فیصل چوہدری کو پارٹی سے نکال دیا

اپیلوں کا مؤقف

اپیلوں میں مؤقف اختیار کیا گیا ہے کہ استغاثہ بانی پی ٹی آئی اور بشریٰ بی بی کے خلاف کیس ثابت کرنے میں ناکام رہا ہے۔ بلغاری سیٹ توشہ خانہ قواعد کے مطابق سابق حکمران جوڑے نے اپنے پاس رکھا۔ صہیب عباسی کو غیر قانونی طور پر سلطانی گواہ بنایا گیا۔ عدالت نے وعدہ معاف گواہ کے بیان پر انحصار کیا جو نہیں کیا جا سکتا تھا۔ اسپیشل سینٹرل کی عدالت کو اس کیس کا اختیار سماعت ہی نہیں تھا۔ ایک ہی جرم میں متعدد بار سزا نہیں دی جا سکتی۔ مقدمہ بغیر تفتیش قائم کیا گیا ہے اور یہ سیاسی انتقام کا نشانہ بنایا جا رہا ہے۔

یہ بھی پڑھیں: ملک بھر میں مون سون کا نیا سپیل داخل، 10 جولائی تک بارشوں کا امکان

عدالت سے استدعا

عدالت سے استدعا کی گئی ہے کہ عمران خان اور بشریٰ بی بی کے خلاف توشہ خانہ ٹو فیصلہ کالعدم قرار دیا جائے۔ بانی پی ٹی آئی کی اپیل پر ڈائری نمبر 24560 اور بشری بی بی کی اپیل پر ڈائری نمبر 24561 لگایا گیا ہے۔

سزا کا پس منظر

یاد رہے کہ اسپیشل جج سینٹرل نے بانی پی ٹی آئی اور بشریٰ بی بی کو مجموعی طور پر 177 سال قید کی سزاؤں کا فیصلہ سنایا تھا، جسے ہائی کورٹ میں چیلنج کیا گیا ہے۔