میجر عدیل زمان شہید کی نماز جنازہ ادا کر دی گئی، فیلڈ مارشل، وزیر داخلہ، کورکمانڈر پشاور اور اعلیٰ افسران کی شرکت

میجر عدیل زمان کا نماز جنازہ

راولپنڈی (ڈیلی پاکستان آن لائن) میجر عدیل زمان شہید کی نماز جنازہ ادا کردی گئی، شہید کو آبائی علاقے ڈی آئی خان میں سپرد خاک کیا جائے گا۔

یہ بھی پڑھیں: صدرِ مملکت آصف علی زرداری کا ایئر ہیڈکوارٹرز کا دورہ، پاک فضائیہ کے سربراہ ایئر چیف مارشل ظہیر احمد بابر سدھو سے ملاقات

نماز جنازہ میں شرکت

پاک فوج کے شعبہ تعلقات عامہ آئی ایس پی آر کا کہنا ہے کہ نماز جنازہ میں فیلڈ مارشل عاصم منیر، وزیر داخلہ محسن نقوی، کورکمانڈر پشاور، فوجی اور سول افسران نے شرکت کی۔شہید میجر عدیل زمان کو پورے فوجی اعزاز کے ساتھ ان کے آبائی علاقے ڈی آئی خان میں سپرد خاک کیا جائے گا۔

یہ بھی پڑھیں: پاکستان ٹیم سے بدترین شکست پر سابق آسٹریلوی کھلاڑی برس پڑے

فیلڈ مارشل کا خراج عقیدت

فیلڈ مارشل سید عاصم منیر نے میجر عدیل زمان کی عظیم قربانی کو خراج عقیدت پیش کرتے ہوئے کہا کہ پاک فوج کے شہداء قوم کا فخر ہیں، پاک فوج کے شہداء کی قربانیاں ہمیشہ یاد رکھی جائیں گی۔

یہ بھی پڑھیں: بجلی سستی ہونے کا امکان

دعا اور صبر کی خواہش

آئی ایس پی آر کے مطابق فیلڈ مارشل نے شہید کے درجات کی بلندی کے لیے دعا کی، فیلڈ مارشل نے شہید کے اہل خانہ کے صبر و استقامت کی بھی دعا کی۔

یہ بھی پڑھیں: اسلامی ممالک کے درمیان ویکسین کے مشترکہ اتحاد کی اشد ضرورت ہے : مصطفیٰ کمال

فرض کی ادائیگی میں قربانی

میجر عدیل زمان نے فرنٹ سے لیڈ کرتے ہوئے فرض کی ادائیگی کے دوران جام شہادت نوش کیا، مسلح افواج دہشت گردی کی لعنت کے خاتمے کا عزم کیے ہوئے ہے، ایسی قربانیاں قوم کے عزم کو مزید تقویت دیتی ہیں۔