شدید دھند: لاہور کا فلائٹ آپریشن 8 گھنٹے سے بند، 5 پروازیں اسلام آباد اتار لی گئیں

لاہور میں دھند کے اثرات

لاہور(ڈیلی پاکستان آن لائن) لاہور کے مختلف علاقوں میں دھند کے باعث لاہور ایئرپورٹ کا فلائٹ آپریشن 8 گھنٹے سے بند ہے، جبکہ 5 پروازیں اسلام آباد اتار لی گئی ہیں۔

یہ بھی پڑھیں: شوہر کی لاش کے سامنے بیٹھی حاملہ خاتون نے ہسپتال کے عملے سے خون آلود بستر صاف کروانے کی کہانی سنائی، ویڈیو وائرل ہو گئی

پروازوں کی منسوخی

نجی ٹی وی چینل دنیا نیوز کے مطابق لاہور سے دبئی، ابوظہبی، جدہ، کراچی کی پروازیں منسوخ کر دی گئی ہیں، بینکاک، دوحہ، سعودیہ، چین، امارات کی 10 پروازیں روانہ نہ ہوسکیں۔

یہ بھی پڑھیں: جب انصاف کا معاملہ ہو تو میرا ترازو صرف حق دار کے لیے جھکتا ہے، جواب اللہ کو دینا ہے اور وہیں کی جواب دہی سخت ہے، یہاں تو صرف اپنا مفاد ہے۔

پروازوں کا شیڈول متاثر

دھند کے باعث اندرون اور بیرون ملک کی پروازوں کا شیڈول متاثر ہوا ہے۔

ٹریفک کی صورتحال

شدید دھند کے باعث شہر کے مختلف علاقوں میں ٹریفک کی روانی بھی متاثر ہوئی ہے، ایم 2 بلکسر سے کوٹ مومن تک بجانب لاہور بند ہے، موٹر وے ایم 3 فیض پور سے رجانہ تک دھند کی وجہ سے بند ہے.