لاہور کے فضائی معیار میں نمایاں بہتری، متعلقہ ادارے فیلڈ میں مسلسل متحرک ہیں: سینئر وزیر مریم اورنگزیب

لاہور میں فضائی معیار میں بہتری

لاہور (ڈیلی پاکستان آن لائن) لاہور کا اے کیو آئی 166 ریکارڈ، سرد موسم اور کم درجۂ حرارت کے باوجود فضائی معیار میں نمایاں بہتری آ گئی۔

یہ بھی پڑھیں: یومِ دفاع کے موقع پر آئی ایس پی آر کا نیا نغمہ ’’اللہ ہو‘‘ جاری

سموگ میں کمی کے عوامل

تفصیلات کے مطابق سموگ میں واضح کمی عوامی تعاون اور وزیراعلیٰ مریم نواز کی مؤثر انسدادِ سموگ پالیسی کا نتیجہ ہے۔ وزیراعلیٰ کی ہدایت پر صنعتی اخراج، اینٹوں کے بھٹوں اور دھوئیں چھوڑنے والی گاڑیوں کے خلاف سخت کارروائیاں جاری ہیں جبکہ ای پی اے، ضلعی انتظامیہ اور متعلقہ ادارے زیرو ٹالرنس پالیسی کے تحت فیلڈ میں مسلسل متحرک ہیں۔

حکومتی اقدامات اور عوامی احتیاط

سینئر وزیر مریم اورنگزیب نے کہا ہے کہ حکومتی اقدامات کے باعث سموگ کنٹرول میں آ رہی ہے اور نتائج حوصلہ افزا ہیں۔ ماحولیاتی قوانین پر سختی سے عملدرآمد اور صاف ہوا کی فراہمی حکومت کی اولین ترجیح ہے۔ حساس افراد غیر ضروری باہر نکلنے سے گریز کریں اور ماسک کا استعمال یقینی بنائیں۔ عوام سے اپیل ہے کہ گاڑیوں کا کم استعمال کریں، کچرا جلانے سے اجتناب کریں اور حکومتی اقدامات میں بھرپور تعاون کریں۔