لاہور میں بسنت کی تیاری زور و شور سے جاری۔ ’’ای بز ‘‘پورٹل پر رجسٹریشن کے لیے 158 درخواستیں موصول

بسنت کی تیاری

لاہور (ڈیلی پاکستان آن لائن) شہر میں بسنت کی تیاری زور و شور سے جاری ہے، ’ای بز‘ پورٹل پر رجسٹریشن کے لیے 158 درخواستیں موصول ہوئیں۔

یہ بھی پڑھیں: اسحاق ڈار بنگلہ دیش کے دورے پر روانہ

رجسٹریشن کا عمل

ای بز پورٹل پر پتنگ مینوفیکچررز، سیلرز، ٹریڈرز اور ایسوسی ایشن کی رجسٹریشن کا عمل جاری ہے۔ ضلعی انتظامیہ لاہور کو ای بز پورٹل پر مجموعی طور پر ایک سو اٹھاون درخواستیں موصول ہوئیں۔ کائیٹ فلائننگ مینوفیکچررز کی جانب سے اب تک 47 درخواستیں موصول ہوئیں، جس میں سے ایک کی ویریفکیشن مکمل ہو چکی ہے، جبکہ 46 کی فیلڈ ویریفکیشن کا عمل جاری ہے۔

یہ بھی پڑھیں: چاروں طرف سے پھنس گیا ہوں، سانحہ گل پلازہ میں انتقال کرنیوالے شہری کا آخری مبینہ آڈیو پیغام سامنے آگیا۔

کائیٹ سیلرز اور ٹریڈرز کی صورتحال

رپورٹ کے مطابق کائیٹ سیلرز کی رجسٹریشن کے لیے 86 درخواستیں موصول ہوئی ہیں، جن میں سے نو کائیٹ سیلرز کی فیلڈ ویریفکیشن مکمل ہو چکی ہے جبکہ ستتر کی جاری ہے۔ کائیٹ فلائنگ ٹریڈرز کی رجسٹریشن کے لیے تاحال بائیس درخواستیں موصول ہوئیں ہیں۔

ایسوسی ایشن کی درخواستیں

کائیٹ فلائنگ ایسوسی ایشن کی رجسٹریشن کے لیے تین درخواستیں موصول ہوئی ہیں۔