آزاد کشمیر: 3 کمسن بچوں کے قتل کے مقدمے میں پولیس نے سگی ماں اور اس کے ایک ساتھی کو گرفتار کر لیا

بھمبر میں تین بچوں کا بہیمانہ قتل

مظفرآباد (ڈیلی پاکستان آن لائن) آزاد کشمیر کے ضلع بھمبر میں تین کمسن بچوں کے بہیمانہ قتل کے مقدمے میں پولیس نے سگی ماں اور اس کے ایک ساتھی کو گرفتار کر لیا۔

یہ بھی پڑھیں: بزرگ چینی خاتون کو بینک نے بیمار ہونے کے باوجود زبردستی بلالیا، گیٹ پر ہی جان نکل گئی

گرفتاری اور تفتیش

نجی ٹی وی جیو نیوز کے مطابق گرفتار خاتون نے ابتدائی تفتیش کے دوران اعتراف کیا کہ اس نے اپنے دوست کے ساتھ مل کر بچوں کو زہر دے کر قتل کیا، جبکہ شناخت مٹانے کے لیے لاشوں پر تیزاب ڈال کر انہیں دفنا دیا گیا۔

یہ بھی پڑھیں: تہذیبوں کا ٹکراؤ شروع ہو چکا ہے۔

لاشوں کی برآمدگی

بھمبر پولیس کا کہنا ہے کہ ملزمان کی نشاندہی پر مشترکہ کارروائی کے دوران تینوں بچوں کی لاشیں برآمد کر لی گئی ہیں۔ جاں بحق بچوں میں ایک 6 سالہ بچی اور دو کمسن لڑکے شامل ہیں۔

یہ بھی پڑھیں: 14 سے 16 جون کے دوران بیشتر علاقوں میں آندھی، بارش، ژالہ باری کا امکان

مزید تفصیلات

پولیس کے مطابق گرفتار خاتون کا تعلق سرائے عالمگیر، پنجاب سے ہے، جو چند روز قبل بچوں کو ساتھ لے کر بھمبر آئی تھی۔ بچوں کے والد کی درخواست پر تھانہ سرائے عالمگیر میں اغوا کا مقدمہ بھی درج کیا گیا تھا۔

منگنی کے خواہاں ملزمان

ابتدائی تحقیقات کے مطابق دونوں ملزمان ایک دوسرے سے شادی کے خواہاں تھے اور ان کے درمیان دوستی سوشل میڈیا کے ذریعے قائم ہوئی تھی۔