سازشی اور ملک دشمن عناصر 2026 میں عبرت کا نشان بنیں گے: گورنر سندھ

نئے سال کی شاندار شروعات

کراچی (ڈیلی پاکستان آن لائن) گورنر سندھ کامران خان ٹیسوری کی جانب سے نئے سال کی آمد پر گورنر ہاؤس میں شاندار آتش بازی کا انعقاد کیا گیا۔

یہ بھی پڑھیں: وزیر اعلیٰ مریم نواز کا سیکیورٹی فورسز کو 11 بھارتی سپانسرڈ خوارج کو جہنم واصل کرنے پر خراج تحسین

نئے سال کی مبارکباد

نجی ٹی وی چینل جیو نیوز کے مطابق، اس موقع پر گورنر سندھ کامران خان ٹیسوری نے پوری قوم کو نئے سال کی مبارکباد دیتے ہوئے کہا کہ 2025 پاکستان میں عسکری، سفارتی اور معاشی بالادستی کا سال رہے گا۔

یہ بھی پڑھیں: ڈیوڈ بیکھم کا نام سرکاری اعزاز کی لسٹ میں شامل، لیکن وہ ایک غلطی جس کی وجہ سے ان کا نام نکالا جاسکتا ہے

پاکستان کی عسکری بالادستی

گورنر سندھ نے مزید بتایا کہ 2025 میں پاکستان میں ایس آئی ایف سی بالادستی کا سال رہا، جس کے مرکزی کردار چیف آف ڈیفنس فورسز فیلڈ مارشل عاصم منیر ہوں گے۔

یہ بھی پڑھیں: سونے کی قیمت میں 8 ہزار سے زائد کا بڑا اضافہ، فی تولہ سونا کتنے کا ہوگیا؟

کرکٹ میں کامیابی

انہوں نے کہا کہ سال 2025 میں پاکستان پوری دنیا میں مرکز نگاہ بنا رہا، اور سال کے آخر میں ینگ کرکٹ ٹیم نے بھارت کو شکست دے کر خوشیاں دوبالا کیں۔

یہ بھی پڑھیں: آئی ایم ایف رپورٹ کے مطابق وفاقی حکومت کو 422 ارب روپے سے زائد کا ٹیکس شارٹ فال ہے، مزمل اسلم

قوم کا تحفہ

گورنر سندھ نے کہا کہ پاکستان کی جانب سے بھارت کو ہرا کر 2025 میں قوم کو جو تحفہ دیا گیا ہے، وہ قوم ساری زندگی یاد رکھے گی۔

یہ بھی پڑھیں: آج ہم سب نشانے پر ہیں، ہمارے خلاف منصوبے بنتے ہیں: سلمان اکرم راجہ

توقعات اور دعا

گورنر سندھ کا کہنا تھا کہ پوری قوم اپنی افواج کی شکر گزار ہے اور میں 2026 کے لیے دعا گو ہوں کہ سازشیوں اور ملک دشمن عناصر کو شکست ہوگی، اور سازشی 2026 میں اپنے منطقی انجام تک پہنچیں گے اور عبرت کا نشان بنیں گے۔

شکریہ اور مستقبل کے عزم

گورنر سندھ نے کہا کہ 2025 کے اختتام پر میں کراچی سمیت پوری سندھ کی عوام کا شکریہ ادا کرنا چاہتا ہوں، جنہوں نے گورنر ہاؤس کے ہر چھوٹے بڑے پروگرام میں شرکت کرکے میرا حوصلہ بڑھایا۔ انشا اللہ 2026 میں ہم اس سے بھی بڑے پروگرامز کریں گے، جن میں عوامی خدمت اور ویلفیئر کے بہترین انتظامات کیے جائیں گے۔ 2026 میں بھی گورنر ہاؤس کے دروازے عوام کے لیے کھلے رہیں گے۔