ملک میں تیل و گیس کے نئے ذخائر دریافت

نئے تیل اور گیس کے ذخائر کی دریافت

کراچی(ڈیلی پاکستان آن لائن) ملک میں خام تیل اور گیس کے نئے ذخائر دریافت کر لئے گئے۔

یہ بھی پڑھیں: چائلڈ لیبر قطعاً برداشت نہیں، بچے میری ریڈ لائن ہیں: وزیراعلیٰ مریم نواز

او جی ڈی سی کا اعلان

نجی ٹی وی چینل ہم نیوز کے مطابق او جی ڈی سی نے خیبر پختونخوا کے ضلع کوہاٹ میں نشپا بلاک سے تیل و گیس کی دریافت کا اعلان کیا ہے۔

یہ بھی پڑھیں: بجٹ 45 کروڑ اور آمدنی صرف 60 ہزار، بھارت کی سب سے بڑی فلاپ فلم کونسی ہے؟

پیداوار کی تفصیلات

ترجمان آئل اینڈ گیس ڈویلپمنٹ نے کہا کہ براگزئی ایکس ون کنویں سے یومیہ 4 ہزار ایک سو بیرل تیل حاصل ہوگا، کنویں سے ساڑھے 10 ملین کیوبک فٹ یومیہ گیس کی پیداوار حاصل ہوگی۔

یہ بھی پڑھیں: لاہور میں دل دہلا دینے والا واقعہ، 2 سگی بہنوں سے 5 افراد کی مبینہ اجتماعی زیادتی

کنویں کی ڈرلنگ کی معلومات

ترجمان او جی ڈی سی ایل کے مطابق براگزئی ایکس ون کنواں 5 ہزار 170 میٹر گہرائی تک ڈرل کیا گیا، ڈاٹا فارمیشن میں ہائیڈرو کاربن سے 187 میٹر زون کی کامیاب نشاندہی ہوئی۔

یہ بھی پڑھیں: پارلیمنٹ نے کرپشن کیسز ختم کردیے، جب ہوش آئے گا تو دیر ہوجائے گی، جسٹس محسن اختر کیانی کے نیب کے دائرہ اختیار سے متعلق کیس میں ریمارکس

حصے داروں کی تفصیلات

نشپا بلاک میں او جی ڈی سی بطور آپریٹر 65، پی پی ایل 30 اور جی ایچ پی ایل 5 فیصد کے حصے دار ہیں، نئی دریافت سے ملکی اور او جی ڈی سی کے توانائی ذخائر میں مزید اضافہ ہو گا۔

مقامی وسائل کا فروغ

ترجمان او جی ڈی سی نے کہا کہ مقامی وسائل کے فروغ سے ملک میں توانائی کی طلب و رسد میں بہتری آئے گی۔