علاقائی کشیدگی، عالمی دباؤ اور معاشی بے چینی، بھارت کے لیے 2026 کیسا ہوگا؟ برطانوی اخبار فنانشل ٹائمز کی تہلکہ خیز رپورٹ سامنے آ گئی

لاہور (خصوصی رپورٹ)

علاقائی کشیدگی اور عالمی دباؤ

بھارت کیلئے 2026 کیسا ہو گا؟ برطانوی اخبار فنانشل ٹائمز کی تہلکہ خیز رپورٹ سامنے آگئی۔

بھارت کا بحران کا سال

’’جیو نیوز‘‘ کے مطابق بھارت سے متعلق برطانوی اخبار فنانشل ٹائمز کی رپورٹ میں کہا گیا ہے کہ بھارت کے لیے 2025 بحرانوں کا سال ثابت ہوا۔ پاک، بھارت فوجی کشیدگی، کرنسی کی کمزوری اور معاشی بے چینی نے بھارت کو مسائل کی زد میں رکھا۔ بھارت کے لیے 2025 بحرانوں کا سال ثابت ہوا، ناکام سٹریٹجک خودمختاری پر بھارت کو امریکا، چین، روس سے تعلقات میں مجبور ہونا پڑا۔

فوجی کشیدگی اور تجارتی محاذ آرائی

برطانوی اخبار کی رپورٹ میں کہا گیا ہے کہ 2025 میں پاک، بھارت فوجی کشیدگی، امریکہ سے تجارتی محاذ آرائی، مہلک طیارہ حادثہ، کرنسی کی کمزوری اور معاشی بے چینی نے بھارت کو مسائل کی زد میں رکھا۔ 2025 میں امریکہ، بھارت تجارتی معاہدہ کئی بار ملتوی ہوا، امریکی ٹیرف سے بھارت پر اقتصادی دباؤ پڑا، جی ایس ٹی اصلاحات محدود شعبوں تک رہنے سے معاشی ترقی میں رکاوٹ رہی، 2025 میں بھارتی روپیہ ڈالر کے مقابلے میں گراوٹ کا شکار رہا۔ پاک، بھارت تصادم کا دیرپا نتیجہ واشنگٹن کی پالیسی میں واضح تبدیلی کی صورت میں سامنے آیا۔

امریکہ کی طرف سے کمزور پوزیشن

دوسری جانب ماہرین کا کہنا ہے کہ امریکی صدر کی جانب سے جنگ بندی کا کریڈٹ لینا بھارت کی بڑی ناکامی رہی۔ امریکہ میں بھارت کی معاشی اور سفارتی گنجائش محدود ہونا بھارت کی کمزور پوزیشن ظاہر کرتی ہے۔ بھارت میں روپے کی گراوٹ اور تیل کی قیمتوں میں اضافے سے مزید معاشی بحران نظر آتا ہے، امریکہ، بھارت تجارتی معاہدوں میں ناکامی بھارت کی عالمی معاشی ساکھ میں خلا کی علامت ہے۔

بھارتی سفارتی ناکامیاں

ماہرین کے مطابق برطانوی اخبار نے ٹرمپ کے پاکستانی عسکری قیادت سے بڑھتے روابط کو بھارتی سفارتی ناکامی قرار دیا۔

2026 کے چیلنجز

ماہرین کا کہنا ہے کہ بھارت 2025 میں مسائل حل کرنے کے بجائے زیادہ تر انہیں برداشت کرتا دکھائی دیا، بھارت کے لیے 2026 اندرونی کمزوریوں کے سبب چیلنج بنتا دکھائی دیتا ہے۔ بھارت کیلئے 2026 علاقائی کشیدگی اور عالمی دباؤ کے تناظر میں بھی بڑھتا چیلنج نظر آتا ہے۔