آسٹریلوی کرکٹر عثمان خواجہ نے انٹرنیشنل کرکٹ سے ریٹائرمنٹ کا اعلان کر دیا

عثمان خواجہ کی ریٹائرمنٹ کا اعلان

سڈنی (ویب ڈیسک) آسٹریلیا کے ٹیسٹ کرکٹر عثمان خواجہ نے انٹرنیشنل کرکٹ سے ریٹائرمنٹ کا اعلان کر دیا۔ وہ ایشیز سیریز کا سڈنی میں پنک ٹیسٹ کھیلنے کے بعد ریٹائر ہو جائیں گے۔

یہ بھی پڑھیں: بیرسٹر گوہر نے عمران خان کے سابق پرسنل سیکرٹری کی توشہ خانہ کیس میں گواہی مسترد کردی

شاندار کیریئر کا اختتام

سڈنی کرکٹ گراؤنڈ سے فرسٹ کلاس کرکٹ کا آغاز کرنے والے عثمان خواجہ 88 واں ٹیسٹ کھیل کر ریٹائر ہوں گے۔ 39 سالہ عثمان خواجہ نے 2011 میں ڈیبیو کیا اور انہوں نے 15 سالہ ٹیسٹ کیریئر میں 6 ہزار سے زائد رنز بنائے۔ کرکٹ آسٹریلیا کے مطابق، عثمان خواجہ نے عثمان خواجہ فاؤنڈیشن کے ذریعے آف دی فیلڈ ایک میراث قائم کی۔ وہ آسٹریلیا کے پہلے پاکستان میں پیدا ہونے والے اور پہلے مسلمان ٹیسٹ کرکٹر ہیں۔

یہ بھی پڑھیں: پاکستان نے بھارتی پروپیگنڈے کا جواب دینے کے لیے میڈیا کو ایل او سی کا دورہ کرانے کا فیصلہ کرلیا

عالمی کامیابیاں اور اعزازات

عثمان 2023 میں آئی سی سی ٹیسٹ کرکٹر اور شین وارن ٹیسٹ کرکٹر آف دی ایئر قرار پائے۔ وہ 2023 میں آئی سی سی ٹیسٹ چیمپئین شپ جیتنے والی آسٹریلوی ٹیم کا حصہ بھی تھے۔ عثمان خواجہ کا کہنا ہے کہ سب سے نمایاں احساس قناعت ہے، میں آسٹریلیا کی طرف سے بہت زیادہ میچز کھیلنے کی وجہ سے خوش قسمت ہوں۔ مجھے امید ہے کہ میں نے لوگوں کو متاثر کیا ہو گا۔

یہ بھی پڑھیں: آئین سپریم ہے: قائمہ کمیٹی داخلہ کے اجلاس میں ارکان کے درمیان دلچسپ مکالمہ

کرکٹ آسٹریلیا کا بیان

سی ای او کرکٹ آسٹریلیا ٹود گرین برگ نے کہا کہ عثمان خواجہ نے آسٹریلوی کرکٹ میں اپنی غیر معمولی پرفارمنس سے بہت حصہ ڈالا۔ انہوں نے عثمان خواجہ فاؤنڈیشن کے ذریعے اپنا تاثر قائم کیا اور وہ ہمارے ایک اسٹائلش اور شاندار بیٹر ہیں۔ ٹوڈ گرین برگ کا مزید کہنا تھا کہ آسٹریلوی کرکٹ کی جانب سے میں عثمان خواجہ کا شکریہ ادا کرتا ہوں اور انہیں کامیابیوں پر مبارکباد دیتا ہوں۔

ٹیسٹ اور دیگر فارمیٹس کی تفصیلات

واضح رہے کہ عثمان خواجہ 87 ٹیسٹ، 40 ون ڈے اور 9 ٹی ٹوئنٹی میچز کھیل چکے ہیں۔ ایشیز سیریز کا آخری ٹیسٹ 4 جنوری سے ایس سی جی میں شروع ہو گا۔