پنجاب میں امراض قلب کے لیے انٹراویسکولر سرجری کی جدید ترین تکنیک متعارف کروانے کا فیصلہ، امریکی ڈاکٹرز تربیت دیں گے۔

پنجاب میں انٹراویسکولر سرجری کی جدید تکنیک

لاہور (ڈیلی پاکستان آن لائن) پنجاب میں امراض قلب کے لیے انٹراویسکولر سرجری کی جدید ترین تکنیک متعارف کروانے کا فیصلہ کیا گیا۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

ڈاکٹرز کی ٹریننگ

امریکن ڈاکٹروں کی ٹیم انٹراویسکولر سرجری کی جدید ترین تکنیک کے لیے ڈاکٹروں کو ٹریننگ فراہم کرے گی۔ بریفنگ کے دوران یہ بات سامنے آئی کہ انٹراویسکولر سرجری روایتی اوپن سرجری کا جدید اور محفوظ ترین متبادل ہے۔ اس تکنیک میں خون کی نالی میں چھوٹے سے سوراخ سے انجیوپلاسٹی، سٹینٹ اور ابلیشن کی جاتی ہے۔ چلڈرن، نشتر اور جناح ہسپتال کے ڈاکٹرز کی ٹریننگ کی تجویز پر اتفاق کیا گیا۔

یہ بھی پڑھیں: اڈیالہ جیل میں بانی چیئرمین پی ٹی آئی تک رسائی کا معاملہ، کیا اصلاحاتی کمیٹی کو ملنے سے روکا گیا۔۔۔؟اہم تفصیلات سامنے آ گئیں

وزیراعلیٰ کا حکم

وزیراعلیٰ مریم نواز نے جناح انسٹیٹیوٹ آف کارڈیالوجی اور نواز شریف میڈیکل سٹی میں امراض قلب کا جدید طریقہ کار متعارف کروانے کے لیے اقدامات کرنے کا حکم دیا۔ مریم نواز سے اوکلاہوما ہارٹ ہسپتال کے چیئرمین بورڈ آف ڈائریکٹر ڈاکٹر نعیم طاہر خیلی کی سربراہی میں وفد نے ملاقات کی، اور رخسانہ فاؤنڈیشن کی ہیلتھ اور تعلیمی خدمات پر بریفنگ دی۔ پنجاب میں ڈاکٹرز کی ٹریننگ کے لیے خدمات حاصل کرنے پر اتفاق کیا گیا۔

رخسانہ فاؤنڈیشن کی خدمات

وزیراعلیٰ مریم نواز نے رخسانہ فاؤنڈیشن کی ہیلتھ اور تعلیمی خدمات کو سراہا۔ انہوں نے انٹراویسکولر سرجری کے لیے جدید طبی آلات کی خریداری کے لیے اقدامات کی ہدایت بھی کی۔