جی ایچ کیو حملہ کیس: عمران خان اور دیگر پر فرد جرم 19 اکتوبر کو عائد ہوگی

عمران خان کے خلاف فرد جرم کا تعین

اسلام آباد(ڈیلی پاکستان آن لائن) 9 مئی جی ایچ کیو حملہ کیس میں بانی پاکستان تحریک انصاف (پی ٹی آئی) عمران خان اور دیگر پر فرد جرم 19 اکتوبر کو عائد کی جائے گی۔

یہ بھی پڑھیں: گورنر کے پی فیصل کریم کنڈی کی وزیر خزانہ سے ملاقات، اہم امور پر تبادلہ خیال

انسداد دہشت گردی عدالت کی سماعت

نجی ٹی وی چینل ایکسپریس نیوز کے مطابق، راولپنڈی کی انسداد دہشت گردی کی خصوصی عدالت کے جج امجد علی شاہ نے سانحہ 9 مئی کیسز کی سماعت کی۔ جی ایچ کیو حملہ کیس کو پہلے ٹرائل کرنے کا فیصلہ کرتے ہوئے مقدمے کے نامزد ملزمان میں چالان کی نقول تقسیم کر دی گئیں۔

یہ بھی پڑھیں: 4 مقامات پردھرنوں کا اعلان

ملزمان کی موجودگی اور گرفتاری کے وارنٹ

عمران خان اور شاہ محمود قریشی کو بذریعہ وکیل نقول تقسیم کی گئیں جبکہ غیر حاضر 31 ملزمان کے وارنٹ گرفتاری جاری کئے گئے۔ شیریں مزاری، صداقت عباسی، امجد نیازی، عثمان ڈار بھی پیش ہوئے۔ 28 ستمبر اور 4 اکتوبر احتجاج کیسوں کے نامزد پی ٹی آئی کارکنان رہنما پیش نہیں ہوئے اور ان کی بیماری کے باعث غیر حاضری کی درخواستیں دائر کی گئیں۔ سماعت کے موقع پر سیکورٹی کے سخت اقدامات کیے گئے تھے۔